LONDON, Sept 6 (Reuters) – នៅថ្ងៃសុក្រ រដ្ឋាភិបាលអង់គ្លេស បាននិយាយថា ខ្លួននឹងផ្តល់ឱ្យអ៊ុយក្រែន នូវកាំជ្រួចពហុតួនាទីទម្ងន់ស្រាលចំនួន ៦៥០គ្រាប់ ដែលមានតម្លៃ ២១៣.១៣លានដុល្លារសហរដ្ឋអាមេរិក ដើម្បីជួយការពារពីដ្រូន និងការទម្លាក់គ្រាប់បែករបស់រុស្ស៊ី។
កាលពីសប្តាហ៍មុន រុស្ស៊ីបានបើកការវាយប្រហារតាមអាកាសដ៏ធំបំផុត ទៅលើអ៊ុយក្រែនចាប់តាំងពីសង្គ្រាមទ្រង់ទ្រាយធំ បានចាប់ផ្តើមនៅដើមឆ្នាំ២០២២។ ហើយអ៊ុយក្រែនបានស្នើសុំម្តងហើយម្តងទៀត សម្រាប់ការគាំទ្រផ្នែកការពារដែនអាកាសបន្ថែមទៀត ដើម្បីការពារខ្លួនពីការវាយប្រហារដោយដ្រូន និងមីស៊ីល។
ការផ្គត់ផ្គង់កាំជ្រួចថ្មីត្រូវបានប្រកាស ខណៈដែលរដ្ឋមន្ត្រីការពារជាតិអង់គ្លេសលោក John Healey បានចូលរួមជាមួយក្រុមទំនាក់ទំនង សម្រាប់ការការពារជាតិអ៊ុយក្រែន ដែលជាក្រុមចម្រុះមកពីបណ្តាប្រទេសចំនួន៥០ និងមានមូលដ្ឋាននៅទីតាំង ទ័ពអាកាសសហរដ្ឋអាមេរិកក្នុងប្រទេសអាល្លឺម៉ង់។
ក្រសួងការពារជាតិបាននិយាយថា ស្របតាមការប្តេជ្ញាចិត្តរបស់រដ្ឋាភិបាលថ្មី ក្នុងការបង្កើនល្បឿននៃការផ្តល់ជំនួយដល់អ៊ុយក្រែន គ្រាប់កាំជ្រួចជាជំនួយដំបូងបានប្រកាសនៅពីថ្ងៃសុក្រ និងត្រូវបានគេរំពឹងថានឹងមកដល់នៅចុងឆ្នាំនេះ។
