PORT-AU-PRINCE, Sept 4 (Reuters) – កាលពីថ្ងៃពុធ តាមអ្នកនាំពាក្យរបស់នាយករដ្ឋមន្ត្រី Garry Conille បាននិយាយថា ប្រទេសហៃទី បានពង្រីកការដាក់ប្រទេសក្នុងគ្រាអាសន្ន ដោយគ្របដណ្តប់លើប្រទេសទាំងមូល ខណៈដែលប្រទេសនេះ កំពុងប្រយុទ្ធនឹងក្រុមជនអន្ធពាលបង្កហិង្សា ដែលបានកាន់កាប់ភាគច្រើននៃរដ្ឋធានី និងចាប់ផ្តើមពង្រីកទៅតំបន់នៅក្បែរនោះ។
ផ្នែក Ouest ដែលមានមានប្រជាជនរស់នៅច្រើន និងជាទីតាំងរដ្ឋធានី Port-au-Prince ត្រូវបានដាក់ឱ្យស្ថិតក្រោមភាពអាសន្ន នៅថ្ងៃទី០៣ ខែមីនា ក្រោមការគ្រប់គ្រងរបស់អតីតរដ្ឋមន្ត្រីលោក Ariel Henry ខណៈដែលការកើនឡើងយ៉ាងខ្លាំង នៃអំពើហិង្សាបានធ្វើឱ្យទីក្រុងជាប់គាំង ហើយអ្នកទោសរាប់ពាន់នាក់ បានរត់គេចខ្លួន នៅក្នុងការហែកពន្ធាគារចំនួន ០២លើក។
ការដាក់ប្រទេសក្នុងគ្រាអាសន្ន ត្រូវបានបន្តជាថ្មីម្តងហើយម្តងទៀត ហើយផ្នែកផ្សេងៗទៀតត្រូវបានបន្ថែមនៅពេលក្រោយ រួមទាំងតំបន់កសិកម្ម Artibonite ដែលបានទទួលរងនូវអំពើហិង្សាដ៏អាក្រក់បំផុតមួយចំនួន ផ្នែកមជ្ឈមណ្ឌល និងNippes នៅឧបទ្វីបភាគខាងត្បូង។
កាលពីព្រឹកថ្ងៃពុធ លោក Conille បាននិយាយថា លោកបានជួយចែកចាយសម្ភារ និងសព្វាវុធសម្រាប់កងទ័ពហៃទី និងនគរបាលជាតិ ដើម្បីដណ្តើមយកទឹកដី ដែលក្រុមអន្ធពាលមកវិញ៕
