ខេត្តមណ្ឌលគិរី ៖ នៅយប់ថ្ងៃចន្ទ ១៤រោច ខែស្រាពណ៍ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី២ ខែកញ្ញា ឆ្នាំ២០២៤ លោកឧត្តមសេនីយ៍ត្រី ចាន់ ទិត្យ ស្នងការរងទទួលផែនការងារចរាចរណ៍តំណាងលោកឧត្តមសេនីយ៍ទោ ឡោ សុខា ស្នងការនគរបាលខេត្តមណ្ឌលគិរី បានដឹកនាំបែងចែកមន្រ្តីនគរបាលក្រោមឱវាទចុះតាមគោលដៅសំខាន់ៗ បន្តចុះអនុវត្តន៍ពង្រឹងច្បាប់ចរាចរណ៍ផ្លូវគោក ព្រមទាំងចុះត្រួតពិនិត្យរកសារធាតុស្រវឹង និងត្រួតពិនិត្យអាវុធជាតិផ្ទុះ ដើម្បីការពារ សុវត្ថិភាព និងរក្សាសន្តិសុខ សណ្ដាប់ធ្នាប់សាធារណៈជូនភ្ញៀវទេសចរណ៍ជាតិ-អន្តរជាតិ ក៏ដូចជាបងប្អូនប្រជាពលរដ្ឋយើង ដែលបានមកកម្សាន្តនៅទឹកដីនៃភូមិភាគឦសាន ដោយគិតចាប់ពីម៉ោង២២ និង០០នាទី ការដាក់គោលដៅត្រួតពិនិត្យ អាវុធជាតិផ្ទុះគ្រឿងស្រវឹង ចំនួន ០៣គោលដៅ ក្រុង-ស្រុកក្នុងខេត្ត ប្រើប្រាស់កម្លាំងសរុប ចំនួន ៣២នាក់៕
