នៅថ្ងៃបើកសន្និបាតជាតិបក្សប្រជាធិបតេយ្យ បាតុកររាប់ពាន់នាក់ ចូលរួមធ្វើការតវ៉ា ដោយសន្តិភាពគាំទ្រប៉ាឡេស្ទីន នៅទីក្រុងឈីកាហ្គោ

CHICAGO, Aug 19 (Reuters) – កាលពីថ្ងៃចន្ទ បាតុករគាំទ្រប៉ាឡេស្ទីនរាប់ពាន់នាក់ ដែលភាគច្រើនបានដើរដង្ហែរក្បួននៅទីក្រុងឈីកាហ្គោដោយសន្តិភាព នៅថ្ងៃបើកសន្និបាតជាតិបក្សប្រជាធិបតេយ្យ(DNC) ដែលជាការបង្ហាញកំហឹងប្រឆាំង នឹងការគាំទ្ររបស់រដ្ឋបាល លោកបាយឌិន ចំពោះអ៊ីស្រាអែលទៅលើសង្រ្គាម នៅតំបន់ហ្គាហ្សា។

សាក្សីសារព័ត៌មានរ៉យទ័រម្នាក់ បាននិយាយថា បន្ទាប់ពីបាតុកម្ម ដោយសន្តិវិធីជាច្រើនម៉ោង មានក្រុមអ្នកតវ៉ារាប់សិបនាក់ បានសម្រុកចូលផ្នែក០១ នៃរបងសន្តិសុខក្នុងបរិវេណ ដែលធ្វើឲ្យនគរបាល បង្ក្រាបកុបកម្មទៅកាន់ទីនោះ។

ក្រុមសន្តិសុខរបស់ DNC បានបញ្ជាក់ថា ក្រុមអ្នកតវ៉ាបានរំលោភលើផ្នែក០១ នៃរបងនៅបរិវេណខាងក្រៅក្បែរទីតាំងសន្និបាត ប៉ុន្តែបាននិយាយថា បុគ្គលិកអនុវត្តច្បាប់ បានចាត់វិធានការយ៉ាងឆាប់រហ័ស និងមិនមានការគំរាមកំហែងដល់អ្នកចូលរួមនោះទេ។

សាក្សីផ្សេងៗបាន​ឃើញ​មនុស្ស​ ០៤​នាក់​ត្រូវ​បានឃាត់​ខ្លួន ​និង​ដាក់​ខ្នោះ​ដៃ។ នគរបាលទីក្រុងឈីកាហ្គោបានបញ្ជាក់នៅក្នុងសន្និសីទសារព័ត៌មានថា ការចាប់ខ្លួនត្រូវបានធ្វើឡើង ប៉ុន្តែមិនបាននិយាយពីចំនួននោះទេ៕

A demonstrator shouts as members of the protest security team form a cordon during the “March on the DNC” rally on the first day of the Democratic National Convention (DNC) in Chicago, Illinois, U.S., August 19, 2024. REUTERS/Seth Herald