BEIJING, Aug 18 (Reuters) – កាលពីថ្ងៃអាទិត្យ យោងតាមប្រព័ន្ធផ្សព្វផ្សាយរដ្ឋរបស់ចិន បានឲ្យដឹងថា មេដឹកនាំកំពូលរបស់វៀតណាមលោកតូ ឡាំ បានទៅដល់ប្រទេសចិន ដើម្បីបំពេញទស្សនកិច្ចរយៈពេល ០៣ថ្ងៃ ដែលក្រសួងការបរទេសរបស់ទីក្រុងប៉េកាំងបាននិយាយថា នឹងរួមបញ្ចូលទាំងកិច្ចប្រជុំជាមួយប្រធានាធិបតីស៊ី ជីងពីង និងនាយករដ្ឋមន្ត្រីលោក Li Qiang។
ទូរទស្សន៍រដ្ឋ CCTV បានរាយការណ៍ថា ប្រធានាធិបតីវៀតណាម ដែលត្រូវបានតែងតាំងក្នុងខែនេះ ក្នុងតំណែងកំពូលរបស់ជាតិគឺ អគ្គលេខាធិការបក្សកុម្មុយនិស្ត កំពុងកាន់អំណាច បានមកដល់ទីក្រុងក្វាងចូវ។
CCTV បានបន្ថែមថា លោក ឡាំ នឹងទៅទស្សនាទីតាំងមួយចំនួន ដែលអតីតប្រធានាធិបតីលោកហូជីមិញ បានធ្វើសកម្មភាពបដិវត្តន៍ខណៈនៅទីក្រុងក្វាងចូវ។
ប្រទេសចិន និងវៀតណាមបានបង្កើតទំនាក់ទំនងការទូត ក្នុងឆ្នាំ១៩៥០។ ក្នុងឆ្នាំ២០០៨ ប្រទេសទាំង០២ បានបង្កើតភាពជាដៃគូយុទ្ធសាស្ត្រគ្រប់ជ្រុងជ្រោយ នៃកិច្ចសហប្រតិបត្តិការ ដែលត្រូវបានពង្រឹងរួមគ្នា ក្នុងឆ្នាំ២០១៣ ដើម្បីដោះស្រាយបញ្ហា ដែលគួរឲ្យព្រួយបារម្ភ ទាំងក្នុងអន្តរជាតិ និងតំបន់។
កិច្ចប្រជុំនេះនឹងបញ្ជាក់ពីទំនាក់ទំនងជិតស្និទ្ធរវាង ប្រទេសជិតខាងដែលគ្រប់គ្រងដោយកុម្មុយនិស្តទាំង០២ ដែល ទំនាក់ទំនងសេដ្ឋកិច្ច និងពាណិជ្ជកម្មមានការអភិវឌ្ឍន៍យ៉ាងល្អ បើទោះបីជាមានការប៉ះទង្គិចជុំវិញព្រំដែន នៅសមុទ្រចិនខាងត្បូងយូរៗម្តងក៏ដោយ៕
FILE PHOTO: Vietnamese President To Lam attends a press briefing with Russian President Vladimir Putin (not pictured), at the Presidential Palace in Hanoi, Vietnam, Thursday, June 20, 2024. MINH HOANG/Pool via REUTERS/File Photo
