មណ្ឌលគិរី៖ នៅព្រឹកថ្ងៃអង្គារ ៩កើត ខែស្រាពណ៍ ឆ្នាំរោង ឆស័ក ពុទ្ធសករាជ ២៥៦៨ត្រូវនឹងថ្ងៃទី១៣ ខែសីហា ឆ្នាំ២០២៤ លោកឧត្តមសេនីយ៍ត្រី សៅ សាវ៉ាត ស្នងការរងទទួលផែនការងារសេនាធិការ តំណាងដ៏ខ្ពង់ខ្ពស់ លោកឧត្តមសេនីយ៍ទោ ឡោ សុខា ស្នងការនគរបាលខេត្តមណ្ឌលគិរី បានអញ្ជើញចូលរួមក្នុងពិធី ប្រកាសចូលកាន់មុខតំណែងប្រធានមន្ទីរអប់រំ យុវជន និងកីឡា ខេត្តមណ្ឌលគិរី ។
ក្នុងពិធីប្រកាសមុខតំណែងប្រធានអប់រំយុវជន និងកីឡានាឱកាសនោះដែរ បានប្រព្រឹត្តិធ្វើឡើង ក្រោមអធិបតីភាពដ៏ខ្ពង់ខ្ពស់ ឯកឧត្តមបណ្ឌិតសភាចារ្យ ហង់ ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡាដែលបាន អញ្ជើញជាអធិបតីក្នុងពិធី ប្រកាសចូលកាន់តំណែងប្រធានមន្ទីរអប់រំ យុវជន និងកីឡា ខេត្តមណ្ឌលគិរី និងបានបំពាក់គ្រឿងឥស្សរិយយស និងមេដាយការងារ ជូនដល់មន្ត្រីបុគ្គលិកសិក្សាអប់រំ ក្នុងពិធីនោះផងដែរ មានការអញ្ជើញចូលរួមពីសំណាក់ ឯកឧត្តម ម៉ែន ង៉ុយ ប្រធានក្រុមប្រឹក្សាខេត្ត ឯកឧត្តម ថង សាវុន អភិបាល នៃគណៈអភិបាលខេត្តមណ្ឌលគិរីព្រមទាំងឯកឧត្តម ប្រធានសាលាដំបូងខេត្ត លោក ព្រះរាជអាជ្ញារងនៃអយ្យការអមសាលាដំបូងខេត្ត និងសមាជិកក្រុមប្រឹក្សាខេត្ត កងកម្លាំងប្រដាប់អាវុធទាំងបី លោកប្រធានអនុប្រធានមន្ទីរពាក់ព័ន្ធនានាជុំវិញខេត្ត លោកគ្រូអ្នកគ្រូសិស្សានុសិស្សជាច្រើននាក់ទៀត ដែលបានចូលរួមក្នុងពិធីនេះផងដែរ ពិធីបាន ប្រព្រឹត្តទៅនៅសាលប្រជុំសាលាខេត្តមណ្ឌលគិរី៕
