MOSCOW, Aug 12 (Reuters) – កាលពីថ្ងៃចន្ទ ប្រធានាធិបតីរុស្ស៊ីលោក វ្ល៉ាឌីមៀ ពូទីន បាននិយាយថា ការវាយប្រហារដ៏ធំបំផុត ចាប់តាំងពីសង្រ្គាមចាប់ផ្តើមរបស់អ៊ុយក្រែន ទៅលើទឹកដីរុស្ស៊ី ចំពេលកំពុងធ្វើឲ្យប្រសើរឡើងនូវជំហរចរចារបស់ទីក្រុងគៀវ មុនពេលកិច្ចចរចាសន្តិភាព ដែលអាចកើតមាន និងដើម្បីបន្ថយការបង្កើនល្បឿននៃកងកម្លាំងរុស្ស៊ី។
កាលពីថ្ងៃអង្គារសប្តាហ៍មុន កងកម្លាំងអ៊ុយក្រែន បានវាយលុកឆ្លងកាត់ព្រំដែនរុស្ស៊ី និងផ្នែកខាងលិចមួយចំនួននៃតំបន់ Kursk ដែលជាការវាយប្រហារដ៏គួរឲ្យភ្ញាក់ផ្អើល ដែលបានបង្ហាញពីភាពទន់ខ្សោយ នៃការការពារព្រំដែនរុស្ស៊ីនៅក្នុងតំបន់នោះ។
នៅក្នុងសុន្ទរកថាសាធារណៈដ៏លម្អិតបំផុត អំពីការលុកលុយរហូតមកដល់បច្ចុប្បន្ន លោក ពូទីន បាននិយាយថា អ៊ុយក្រែន “ដោយមានជំនួយពីចៅហ្វាយលោកខាងលិច” កំពុងព្យាយាមកែលម្អជំហររបស់ខ្លួនមុនពេលកិច្ចពិភាក្សាដែលអាចកើតមាន។
លោកក៏បានចោទសួរថា តើការចរចារមានអ្វីខ្លះជាមួយសត្រូវ ដែលលោកបានចោទប្រកាន់ថា បានបាញ់ដោយមិនរើសអើងទៅលើជនស៊ីវិល និងរោងចក្រនុយក្លេអ៊ែររបស់រុស្ស៊ី។
លោកបានបន្ថែមថា “ជាការពិតណាស់ភារកិច្ចចម្បងគឺ សម្រាប់ក្រសួងការពារជាតិដើម្បីបណ្តេញ និងកម្ចាត់សត្រូវចេញពីទឹកដីរបស់យើង” ដោយបន្ថែមថា កងកម្លាំងរុស្ស៊ីកំពុងបង្កើនល្បឿន តាមបណ្តោយចម្ងាយ ១.០០០ គីឡូម៉ែត្រនៅជួរមុខ ៕
