JAKARTA, Aug 12 (Reuters) – នៅថ្ងៃចន្ទ ប្រធានាធិបតីឥណ្ឌូនេស៊ីលោក Joko Widodo បានបើកកិច្ចប្រជុំគណៈរដ្ឋមន្ត្រីលើកដំបូង នៅក្នុងរដ្ឋធានីថ្មី ដែលបានគ្រោងទុកគឺ Nusantara ខណៈដែលមេដឹកនាំកំពុងស្វែងរកការធានាដំណើរការដល់អ្នកវិនិយោគ សម្រាប់គម្រោងមេហ្គាដែលមានទំហំ ៣២ពាន់លានដុល្លារសហរដ្ឋអាមេរិក មុនពេលលោកចាកចេញពីតំណែងនៅតុលា។
ក្នុងរយៈពេលជាច្រើនឆ្នាំ បន្ទាប់ពីការប្រកាស គម្រោងហេដ្ឋារចនាសម្ព័ន្ធដ៏លេចធ្លោ ដោយមានបំណងបន្ធូរបន្ថយបន្ទុកកកស្ទះចរាចរណ៍ លិចទឹក និងប្រជាជនលើសចំនួនក្នុងទីក្រុងហ្សាកាតា ទីក្រុង Nusantara បានប្រឈមមុខនឹងបញ្ហាមួយចំនួន រួមទាំងការពន្យារពេលសាងសង់ និងកង្វះការវិនិយោគពីបរទេស។
ដោយត្រៀមខ្លួនចាកចេញ បន្ទាប់ពីកាន់តំណែងបាន០២អាណត្តិ លោក Joko Widodo ដែលត្រូវបានគេស្គាល់ថា Jokowi បានប្រាប់រដ្ឋមន្ត្រីថា រដ្ឋធានីថ្មីជាការបើកជំពូកថ្មី ជាប្រវត្តិសាស្ត្រសម្រាប់ប្រទេសនេះ។
លោកមានប្រសាសន៍ចេញពីវិមានរដ្ឋថ្មី ដែលមានរាងឥន្ទ្រីថា “រាជធានីថ្មី Nusantara គឺជាផ្ទាំងក្រណាត់ដែលយើងអាចឆ្លាក់សម្រាប់អនាគត។ មិនមែនគ្រប់ប្រទេសទាំងអស់សុទ្ធតែមានឱកាស ឬសមត្ថភាពក្នុងការសាងសង់រាជធានីថ្មីពីចំណុចសូន្យនោះទេ”។
ទីក្រុង Nusantara កំពុងត្រូវបានសាងសង់នៅក្នុង ដែលត្រូវបានដាំដើមឈើឡើងវិញនៅលើកោះ Borneo និងមានចម្ងាយប្រហែល ១.២០០គីឡូម៉ែត្រ ពីរដ្ឋធានីហ្សាកាតា៕