BEIJING, July 8 (Reuters) – នៅថ្ងៃចន្ទ នាយករដ្ឋមន្ត្រីហុងគ្រីលោក Viktor Orban បានជួបជាមួយប្រធានាធិបតីចិនលោក ស៊ី ជីងពីង ប៉ុន្មានថ្ងៃបន្ទាប់ពីបានពិភាក្សាអំពីកិច្ចព្រមព្រៀងសន្តិភាពសម្រាប់អ៊ុយក្រែនដែលមានសក្តានុពលជាមួយប្រធានាធិបតីរុស្ស៊ីលោក ពូទីន ដែលបានធ្វើឲ្យមេដឹកនាំសហភាពអឺរ៉ុបមួយចំនួនខឹងសម្បារ។
លោក Orban និងលោកស៊ី បានជួបគ្នានៅ Diaoyutai State Guest House ក្នុងទីក្រុងប៉េកាំង នេះបើយោងតាមប្រព័ន្ធផ្សព្វផ្សាយរដ្ឋរបស់ចិន។
កាលពីខែឧសភា ប្រទេសចិនដែលមានទំនាក់ទំនងជិតស្និទ្ធជាមួយរុស្ស៊ីបាន និងកំពុងលើកកម្ពស់ផែនការសន្តិភាព០៦ទិសដែលខ្លួនមានជាមួយប្រទេសប្រេស៊ីល ខណៈដែលលោក Orban បានចាប់ផ្ដើម “បេសកកម្មសន្តិភាព” បន្ទាប់ពីប្រទេសរបស់លោកកាន់តំណែងជាប្រធានាធិបតីរង្វិលជុំរបស់សហភាពអឺរ៉ុបនៅដើមខែនេះ។
លោកបាននិយាយនៅលើគណនីផ្លូវការបណ្តាញសង្គម X របស់លោកថា “បេសកកម្មសន្តិភាព 3.0” នៅពេលដែលលោកទៅដល់ទីក្រុងប៉េកាំង។
ដំណើរទស្សនកិច្ចរបស់មេដឹកនាំហុងគ្រីធ្វើឡើងបន្ទាប់ពីបានជួបប្រធានាធិបតីអ៊ុយក្រែនលោក Volodymyr Zelenskiy ក្នុងទីក្រុងគៀវ និងបានទៅវិមានក្រឹមឡាំង ជាដំណើរដែលទទួលការស្តីបន្ទោសយ៉ាងខ្លាំងពីសម្ព័ន្ធមិត្តរបស់លោក។
លោក Orban បាននិយាយនៅលើបណ្តាញសង្គម X ថា “ប្រទេសចិនគឺជាមហាអំណាចដ៏សំខាន់ក្នុងការបង្កើតលក្ខខណ្ឌសម្រាប់សន្តិភាពក្នុងសង្រ្គាមរុស្ស៊ី-អ៊ុយក្រែន” ដោយបន្ថែមថា នោះគឺជាហេតុផលដែលលោកកំពុងជួបជាមួយលោកស៊ី បន្ទាប់ពីរយៈពេលត្រឹមតែ ០២ខែដែលមេដឹកនាំចិនរូបនេះបានទៅទស្សនកិច្ចនៅរដ្ឋធានី Budapest។
