មណ្ឌលគិរី៖ នាព្រឹក ថ្ងៃសុក្រ ១៣កើត ខែមិគសិរ ឆ្នាំរោង ឆស័ក ព.ស ២៥៦៨ ត្រូវនឹង ថ្ងៃទី១៣ ខែធ្នូ ឆ្នាំ២០២៤ គណ:ប្រតិភូនៃស្នងការដ្ឋាននគរបាល ខេត្តមណ្ឌលគិរី ដឹកនាំដោយ លោកឧត្តមសេនីយ៍ត្រី អ៊ន ប៊ុន្នីរិទ្ធ ស្នងការរងទទួលការងារផែនសន្តិសុខ តំណាងដ៏ខ្ពង់ខ្ពស់ លោកឧត្តមសេនីយ៍ទោ ឡោ សុខា ស្នងការនគរបាលខេត្ត បានដឹកនាំគណ:ប្រតិភូ អញ្ជើញចូលរួមក្នុងកិច្ចប្រជុំកិច្ច សហប្រតិបត្តិការ រក្សាសន្តិសុខ សណ្ដាប់ធ្នាប់ តាមតំបន់ព្រំដែនប្រចាំឆ្នាំ២០២៤ និងលើកទិសដៅកិច្ចសហប្រតិបត្តិការ ឆ្នាំ២០២៥ រវាងស្នងការដ្ឋាននគរបាល ខេត្តមណ្ឌលគិរី (កម្ពុជា) ជាមួយទីបញ្ជាការដ្ឋានកងទ័ពការពារព្រំដែនខេត្តប៊ិញភឿក សាធារណ:រដ្ឋសង្គមនិយម (វៀតណាម) ភាគី(កម្ពុជា) ដឹកនាំដោយលោក ឧត្តមសេនីយ៍ត្រី អ៊ន ប៊ុន្នីរិទ្ធ ស្នងការរងទទួលការងារផែនសន្តិសុខ ជាប្រធានប្រតិភូ តំណាងដ៏ខ្ពង់ខ្ពស់លោក ឧត្តមសេនីយ៍ទោ ឡោ សុខា ស្នងការនគរបាលខេត្តមណ្ឌលគិរីព្រមទាំង លោក ឧត្តមសេនីយ៍ត្រី ឆាយ សុខា អនុប្រធាននាយកដ្ឋានទទួលបន្ទុកកិច្ចការព្រំដែននៃអគ្គស្នងការដ្ឋាននគរបាលជាតិ ព្រមទាំង លោកស្នងការរង លោកមេបញ្ជាការវរសេនាតូច នគរបាលការពារព្រំដែនគោកទាំង២ លេខ៣០៣/ ៦២១ លោកអធិការស្រុកអូររាំង និង លោកអធិការ ស្រុកកែវសីមា និងប្រតិភូអមដំណើ។
ភាគីវៀតណាម ដឹកនាំដោយ លោកវរសេនីយ៍ឯក ប៊ួយ មីញស័យ មេបញ្ជាការដ្ឋានកងទ័ពការពារព្រំដែនខេត្តប៊ិញភឿកសាធានរណ:រដ្ឋសង្គមនិយម វៀតណាម។ ក្នុងកិច្ចប្រជុំនាឱកាសនោះផងដែរ ភាគីវៀតណាមបានឯកភាព ទាំងស្រុងលើរបាយការណ៍ និងបានស្នើសុំសុំអោយភាគីកម្ពុជា សហការល្បាតរួមគ្នា ស្របជាមួយ កងទ័ពការពារព្រំដែនវៀតណាម និងបានអោយខាងគណ:ប្រតិភូនៃស្នងការដ្ឋាននគរបាលខេត្តមណ្ឌលគិរី លើកឡើងអំពីបញ្ហាប្រឈម និងសំណូមពរលើកយកមកពិភាក្សាគ្នា ជាមួយគ្នាដើម្បីរកដំណោះស្រាយ រវាងភាគីទាំងពីរ។
ចំណែកឯភាគីកម្ពុជា លោកស្នងការរង លោកក៏បានលើកពីបញ្ហាសំខាន់ៗ មួយចំនួនយកពិភាក្សាគ្នា និងបានសុំឱ្យភាគីវៀតណាម សូមសហការជាមួយកម្លាំង នៃភាគីកម្ពុជាក៏ដូចជាការចូលបង្ការ និងបង្ក្រាបឱ្យបាននូវរាល់បទល្មើសគ្រប់ប្រភេទ ដូចជាបទល្មើសឆ្លងដែនដោយខុសច្បាប់ និងបទល្មើសឆ្លងដែនគ្រប់ប្រភេទ សូមឱ្យភាគីវៀតណាម ជួយទប់ស្កាត់ឱ្យខានតែបាន និងបន្តសើបអង្កេតរកនូវមេខ្យល់ ដែលមានការដឹកនាំមនុស្សឆ្លងដែនដោយខុសច្បាប់ និងការជួញដូរមនុស្សខុសច្បាប់ ចូលមកកម្ពុជានិងបទល្មើសគ្រប់ទម្រង់ នៅតាមខ្សែបន្ទាត់ព្រំដែន រវាងភាគីនៃប្រទេសទាំងពីរ។
មុននិងបញ្ចប់ ភាគីទាំងពីរបានឯកភាពគ្នា លើកំណត់ហេតុលើកិច្ចព្រមព្រៀង និងបានចុះហត្ថលេខា លើកំណត់ហេតុ នៃកិច្ចប្រជុំស្តីពីកិច្ចសហប្រតិបត្តិការការពារ រក្សាសន្តិសុខសណ្តាប់ធ្នាប់នៅតាមខ្សែបន្ទាត់ព្រំដែន ឆ្នាំ២០២៤ និងលើកទិសដៅបន្ត កិច្ចសហប្រតិបត្តិការបន្ត ឆ្នាំ២០២៥ បន្តទៀត ព្រមទាំងបានជូនកាដូរ អនុស្សាវរីយ៍រវាងភាគីទាំងពីរក្នុងភាពស្និទិស្នាលជាទីបំផុតរវាងភាគី នៃថ្នាក់ដឹកនាំនៃខេត្តទាំងពីរ នៃប្រទេសទាំងពីរ៕
