Sept 10 (Reuters) – កាលពីថ្ងៃអង្គារ ប្រធានាធិបតីអាមេរិកលោកចូ បាយឌិន បាននិយាយថា រដ្ឋបាល “កំពុងធ្វើការលើរឿងនេះ” នៅពេលត្រូវបានសួរថាតើ សហរដ្ឋអាមេរិកនឹងលុបចោលការរឹតបន្តឹងលើការ
ប្រើប្រាស់អាវុធចម្ងាយឆ្ងាយរបស់អ៊ុយក្រែនក្នុងសង្គ្រាមប្រឆាំងនឹងរុស្ស៊ីដែរឬទេ។
សហរដ្ឋអាមេរិកមានការស្ទាក់ស្ទើរក្នុងការផ្គត់ផ្គង់ ឬដាក់ទណ្ឌកម្មលើការប្រើប្រាស់អាវុធ ដែលអាចវាយ ប្រហារគោលដៅនៅតំបន់ឆ្ងាយពីព្រុំដែនរុស្ស៊ី ដោយសារការភ័យខ្លាចថាអាចនឹងធ្វើឱ្យជម្លោះកាន់តែ កើនឡើង។
សម្ព័ន្ធមិត្តផ្សេងទៀតរបស់ទីក្រុងគៀវបាននិងកំពុងផ្គត់ផ្គង់សព្វាវុធ ប៉ុន្តែមានការដាក់កម្រិតលើរបៀប និង ពេលវេលាដែលអាវុធទាំងនោះអាចប្រើប្រាស់បាននៅក្នុងប្រទេសរុស្ស៊ី ដោយសារមានការព្រួយបារម្ភថា ការវាយប្រហារបែបនេះអាចជំរុញឱ្យមានការសងសឹកដែលទាញប្រទេសជាសមាជិកណាតូ ចូលទៅក្នុង សង្រ្គាម ឬបង្កជម្លោះនុយក្លេអ៊ែរ។
កាលពីសប្តាហ៍មុន ប្រភពមួយចំនួនបានប្រាប់សារព័ត៌មានរ៉យទ័រថា សហរដ្ឋអាមេរិកខិតជិតចុះហត្ថ លេខាលើកិច្ចព្រមព្រៀងមួយដើម្បីផ្តល់ឱ្យអ៊ុយក្រែននូវសព្វាវុធបែបនេះ ប៉ុន្តែទីក្រុងគៀវនឹងត្រូវរង់ចាំជាច្រើន ខែ ខណៈដែលសហរដ្ឋអាមេរិកដោះស្រាយបញ្ហាបច្ចេកទេសមុនពេលការដឹកជញ្ជូន៕
FILE PHOTO: U.S. President Joe Biden delivers remarks during a visit to the United Association Local 190 Training Center in Ann Arbor, Michigan, U.S., September 6, 2024. REUTERS/Craig Hudson/File Photo
