UNITED NATIONS, Sept 9 (Reuters) – មហាសន្និបាតអង្គការសហប្រជាជាតិអាចនឹងបោះឆ្នោតនៅសប្តាហ៍ក្រោយលើសេចក្តីព្រាងដំណោះស្រាយដោយប៉ាឡេស្ទីនដែលទាមទារឱ្យអ៊ីស្រាអែលដកចេញ “វត្តមានខុសច្បាប់របស់ខ្លួននៅក្នុងទឹកដី ដែលប៉ាឡេស្ទីនកាន់កាប់” ក្នុងរយៈពេល ០៦ខែ។
គោលបំណងសំខាន់នៃសេចក្តីព្រាងដំណោះស្រាយដែលសរសេរដោយអាជ្ញាធរប៉ាឡេស្ទីន និងមើលឃើញដោយសារព័ត៌មានរ៉យទ័រ គឺដើម្បីតបតាមការផ្តល់យោបល់ ដោយតុលាការយុត្តិធម៌អន្តរជាតិកាលពីខែកក្កដា ដែលបាននិយាយថា ការកាន់កាប់ទឹកដីប៉ាឡេស្ទីន និងការតាំងទីលំនៅរបស់អ៊ីស្រាអែលគឺខុសច្បាប់ និងគួរតែដកចេញ។
ខណៈមតិផ្តល់ដោយតុលាការកំពូលអង្គការសហប្រជាជាតិ ដែលត្រូវបានគេស្គាល់ថាជាតុលាការពិភពលោក បាននិយាយថា រឿងនេះគួរតែត្រូវបានធ្វើ “ឱ្យបានលឿនតាមដែលអាចធ្វើទៅបាន” ហើយសេចក្តីព្រាងដំណោះស្រាយរបស់មហាសន្និបាតបានកំណត់រយៈពេល ០៦ខែ។
កាលពីថ្ងៃចន្ទ ក្រុមអារ៉ាប់ ដែលជាអង្គការសហប្រតិបត្តិការឥស្លាម និងចលនាមិនចូលបក្សសម្ព័ន្ធ បានស្នើឱ្យ មហាសន្និបាតអង្គការសហប្រជាជាតិដែលមានសមាជិកចំនួន ១៩៣នាក់ បោះឆ្នោតនៅថ្ងៃទី១៨ ខែកញ្ញា៕
