មណ្ឌលគិរី ៖ នៅព្រឹក ថ្ងៃសៅរ៍ ៦ រោច ខែមិគសិរ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹង ថ្ងៃទី២១ ខែធ្នូ ឆ្នាំ២០២៤ លោក ឧត្តមសេនីយ៍ត្រី ប៉ែន ផល្លី ស្នងការរងទទួលដឹកនាំការងារការិយាល័យផ្សព្វផ្សាយអប់រំ តំណាងដ៏ខ្ពង់ខ្ពស់លោក ឧត្តមសេនីយ៍ទោ ឡោ សុខា ស្នងការនគរបាលខេត្តមណ្ឌលគិរី។ ដោយមានការ អញ្ជើញចូលរួមពីលោកនាយ នាយរងការិយាល័យបុគ្គលិក លោកអធិការ អធិការរងព្រមទាំងមន្ត្រីនគរបាល ក្រោមឱវាទបានដឹកនាំក្រុមការងារចូលរួម គោរពវិញ្ញាណក្ខ័ន្ធសព លោក ព្រុំ ធីរិទ្ធ ដែលបានទទួលមរណះភាពកាលពី ថ្ងៃទី២០ ខែធ្នូ ឆ្នាំ ២០២៤ នាវេលាម៉ោង ៣ និង ០០នាទីរសៀល ដោយរោគាពាធ និងបាននាំយកនូវថវិកា ចំនួន ១.៧៩០.០០០៛ (មួយលានចិតសិបប្រាំបួនម៉ឺនរៀល) ក្នុងនោះបច្ច័យរបស់លោកស្នងការ១.០០០.០០០៛ (មួយលានរៀល) និងបច្ច័យកម្លាំងអធិការស្រុកពេជ្រាដាចំនួន៧៩០.០០០៛ ( ប្រាំពីរសែនប្រាំបួនម៉ឺនរៀល) និងគ្រឿងឧបភោគបរិភោគមាន , អង្ករ៥០ គីឡូក្រាម , ទឹកសុទ្ធ , ត្រីខនិងប្រេងឆាបានប្រគល់ជូនដល់ក្រុមគ្រួសារនៃសពនៅគេហដ្ឋាន។
ក្រោយពីបានធ្វើការប្រគល់ និងទទួលនូវថវិកា ជូនដល់ក្រុមគ្រួសារ មន្រ្តីនគរបាល ដែលបានទទួលមរណៈភាព ខាងលើនេះរួចមក លោកឧត្តមសេនីយ៍ត្រី ប៉ែន ផល្លី ស្នងការរងបានសំដែង នូវការចូលរួមរំលែកទុក្ខ យ៉ាងក្រៀមក្រំជាទីបំផុត នូវការបាត់បង់ កងកម្លាំងនគរបាលជាតិ ០១រូប ដែលរយៈពេលកន្លងមក បានខិតខំបំពេញការងារភារកិច្ច បំរើជាតិមាតុភូមិដោយពុំខ្លាចនូវការ នឿយហត់និងខិតខំបំរើការងារ ដល់អង្គភាពបានល្អ និងសកម្មក្នុងកិច្ចការងារបំរើបុព្វហេតុជាតិមាតុភូមិ។
មុននិងបញ្ចប់លោក ឧត្តមសេនីយ៍ត្រី ស្នងការរង បានបញ្ជាក់ផងដែរថវិកាទាំងអស់នេះ ដែលប្រមូលបានមកពី កងកម្លាំងនគរបាលយើងរួមអង្គភាព និង ជាថវិកា របស់លោក ឧត្តមសេនីយ៍ទោ ស្នងការនគរបាលខេត្ត ប្រគល់ជូនដល់ក្រុមគ្រសារនៃសព ដើម្បីយកទៅចាត់ចែងក្នុង ពិធីបុណ្យសពតាមប្រពៃណី ៕
