មណ្ឌលគិរី៖ នៅព្រឹកថ្ងៃសៅរ៍ទី៣ ខែ សីហា ឆ្នាំ ២០២៤ លោកឧត្តមសេនីយ៍ទោ ឡោ សុខា ស្នងការនគរបាលខេត្តមណ្ឌលគិរី បានចាត់តំណាង លោក ឧត្តមសេនីយ៍ត្រី សៅ សាវ៉ាត ស្នងការរង និងលោកឧត្តមសេនីយ៍ត្រី ស៊ុម សោភ័ណ្ឌ ស្នងការរងនគរបាលខេត្តមណ្ឌលគិរី។ បាននាំយកទេយ្យទានមួយចំនួន ទៅប្រគេនដល់ព្រះសង្ឃ ដែលគង់ចាំព្រះវស្សានៅវត្ត ជលសាមហាសែនជ័យហៅ វត្តជីមៀត បច្ច័យដែលបានប្រគេនដល់ព្រះសង្ឃរួមមានដូចខាងក្រោម៖ ថវិកាចំនួន ២,០០០,០០០,៛ (ពីរលានរៀល)ជាថវិកាផ្ទាល់របស់ លោកឧត្តមសេនីយ៍ទោ ឡោ សុខា ស្នងការនគរបាលខេត្តសម្រាប់ជាវ ស្គរចំនួន ០១ប្រគេនដល់វត្ត ព្រមទាំងថវិកា ចំនួន ៥០០,០០០៛ (ហាសិបម៉ឺនរៀល) ដែលបានប្រគេនដល់ព្រះសង្ឃដែលគង់ចាំព្រះវស្សា មានអង្ករ ចំនួន ៥០ គីឡូក្រាម , ទឹកសុទ្ធ ២ កេះ , ទឹកក្រូច ២ កេះ , មីខ្លា ឃ្មុំ ១ កេះ , រួមទាំងចង្ហាន់និងផ្លែឈើមួយចំនួន ដែលបានប្រគេនដល់ព្រះសង្ឃ ដែលគង់ចាំព្រះវស្សាផងដែរ។
ក្រោយពីបានធ្វើការវេប្រគេននៅទេយ្យទាន ជូនដល់ព្រះសង្ឃរួចមកលោក ឧត្តមសេនីយ៍ត្រី សៅ សាវ៉ាត ស្នងការរងព្រមទាំងលោក ឧត្តមសេនីយ៍ត្រី ស៊ុម សោភ័ណ្ឌ បានធ្វើការវេប្រគេនជូនដល់ព្រះសង្ឃនិងសូមអោយព្រះសង្ឃ យកនៅទេយ្យទាននិងថវិកាទាំងអស់នេះ យកទៅចាត់ចែងកសាងក្នុងទីអារ៉ាមវត្ត ទៅតាមតម្រូវការតាមផ្លូវព្រះពុទ្ធសាសនា៕
