ឧត្ដរមានជ័យ ៖ នៅព្រឹកថ្ងៃទី២៤ ខែកញ្ញា ឆ្នាំ២០២៤ នៅសាលប្រជុំធំស្នងការដ្ឋាននគរបាលខេត្តឧត្តរមានជ័យ បានរៀបចំពិធីបិទកិច្ចសវនកម្មផ្ទៃក្នុង ការិយបរិច្ឆេទ២០២៤ និងបណ្ដាឆ្នាំពាក់ព័ន្ធ ក្រោមអធិបតីភាព ឯកឧត្តម ឧត្តមសេនីយ៍ឯក ជុក គឹមហួរ អគ្គនាយករង នៃអគ្គនាយកដ្ឋានសវនកម្មផ្ទៃក្នុង និងជាប្រធានគណៈប្រតិភូក្រុមការងារសវនកម្មផ្ទៃក្នុង ក្រសួងមហាផ្ទៃ លោកឧត្តមសេនីយ៍ទោ ខូវ លី ស្នងការនគរបាលខេត្ត ។
កិច្ចសវនកម្មផ្ទៃក្នុង ការិយបរិច្ឆេទ២០២៣ និងបណ្ដាឆ្នាំពាក់ព័ន្ធ នៅស្នងការរដ្ឋាននគរបាលខេត្តឧត្តរមានជ័យ ដោយប្រតិភូ នៃអគ្គនាយកដ្ឋានសវនកម្មផ្ទៃក្នុង បានខិតខំប្រឹងប្រែង ដោយបានធ្វេីការត្រួតពិនិត្យតាមបណ្ដាផែន ការិ.ជំនាញ និងអធិការដ្ឋាននគរបាលក្រុង-ស្រុកទាំង៥ ទីបញ្ជាការវរសេនាតូចនគរបាលការពារព្រំដែនគោកទាំង២ ប៉ុស្តិ៍នគរបាលរដ្ឋបាលទាំង ២៤ និងប៉ុស្តិ៍នគរបាលការពារព្រំដែនគោកទាំង១១ ជាលទ្ធផលសង្កេតឃេីញថាមានភាពល្អប្រសេីរ ក្នុងនោះស្នងការរដ្ឋាននគរបាលខេត្តឧត្ដរមានជ័យ បានចូលរួមសហការណ៍យ៉ាងសកម្ម ដេីម្បីជម្រុញការងារនេះឲ្យទទួលបានជោគជ័យផងដែរ ។
ពិធីបិទសវនកម្មនាព្រឹកនេះដែរមានការអញ្ជេីញចូលរួមពីសំណាក់៖ លោកឧត្តមសេនីយ៍ វរសេនីយ៍ ប្រតិភូអមដំណេីរ លោកស្នងការរងគ្រប់រូប លោក អនុប្រធានផែន លោកនាយ-ការិ.ជំនាញ លោក អធិការនគរបាលក្រុង-ស្រុក ទាំង៥ លោកមេបញ្ជាការវរសេនាតូចនគរបាលការពារព្រំដែនគោកទាំង២ និងលោកនាយប៉ុស្តិ៍នគរបាលរដ្ឋបាលទាំង ២៤៕
