មណ្ឌលគិរី ៖ នៅព្រឹកថ្ងៃពុធ ២កើត ខែភទ្របទ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹង ថ្ងៃទី៤ ខែកញ្ញា ឆ្នាំ២០២៤ នៅសាលប្រជុំស្នងការដ្ឋាននគរបាលខេត្តមណ្ឌលគិរី បានបើកកិច្ចប្រជុំត្រួតពិនិត្យលទ្ធផលការងារ ៩ខែ ឆ្នាំ ២០២៤ និងលើកទិសដៅអនុវត្តការងារបន្ត។ កិច្ចប្រជុំនេះបានប្រព្រឹត្តធ្វើឡើង ក្រោមអធិបតីភាពដ៏ខ្ពង់ខ្ពស់លោក ឧត្តមសេនីយ៍ទោ ឡោ សុខា ស្នងការនគរបាលខេត្តមណ្ឌលគិរី និងមានការអញ្ជើញចូលរួមពីលោក លោស្រីស្នងការរង លោក លោកស្រីនាយ នាយរងការិយាល័យជំនាញលោកមេបញ្ជាការ មេបញ្ជាការរង ទទួលសេនាធិការវរសេនាតូចនគរបាលការពារព្រំដែនគោក ទាំងពីរ ៣០៣/៦២១ លោកអធិការ អធិការរងទទួលសេនាធិការនគរបាលក្រុង/ស្រុកទាំង៥ លោកនាយប៉ុស្តិ៍នគរបាលច្រកទ្វារទ្វេភាគី ទាំង៣ លោក នាយប៉ុស្តិ៍នគរបាលរដ្ឋបាលឃុំ/សង្កាត់ទាំង២១ ឃុំនិងសង្កាត់ ដែលបានចូលរួមសរុប ចំនួន ១៤០ រូប។
ជាកិច្ចចាប់ផ្តើមបើកកិច្ចប្រជុំលោក ឧត្តមសេនីយ៍ទោ ស្នងការនគរបាលខេត្ត បានអនុញ្ញាតិឱ្យ លោកវរសេនីយ៍ឯក ម៉ិញ ឈុន នាយការិយាល័យសរុប និងវិភាគឡើងអានរបាយការណ៍សង្ខេបស្តីពីកិច្ចប្រជុំត្រួតពិនិត្យលទ្ធផលការងារ ៩ ខែដើម ឆ្នាំ២០២៤ និងលើកទិសដៅអនុវត្តការងារបន្ត និងបានអានរបាយការណ៍ស្តីពីលក្ខណៈសម្បត្តិទាំងប្រាំស្តីពីគោលនយោបាយភូមិឃុំមានសុត្ថិភាពជូនអង្គពិធីទាំងមូល។
ក្នុងកិច្ចប្រជុំនាឱកាសនោះផងដែរលោក ឧត្តមសេនីយ៍ទោ ស្នងការនគរបាលខេត្តបានមានប្រសាសន៍និងបានអនុញ្ញាតិឱលោក លោកស្រីស្នងការរងព្រមទាំងលោកនាយការិយាល័យជំនាញ និងលោកអធិការនគរបាលក្រុងស្រុកទាំងប្រាំ ព្រមទាំងលោកនាយប៉ុស្តិ៍រដ្ឋបាលទាំង២១ ឃុំសង្កាត់ លើកឡើងអំពីបញ្ហាប្រឈមមួយចំនួន និងផ្ទៀងផ្ទាត់របាយការណ៍ឱ្យបានច្បាស់លាស់ យកមកកែតម្រូវឡើងនៅចំណុចខ្វះខាត និងកែតម្រូវបំពេញបន្ថែម នូវកង្វះខាតក៏ដូចជាការសំណូមពរមួយចំនួន មកបំពេញបន្ថែមដើម្បីអនុវត្តច្បាប់ឱ្យកាន់តែមានប្រសិទ្ធិភាព ។ មិនតែប៉ុណ្ណោះលោក ឧត្តមសេនីយ៍ទោ ស្នងការបានមានប្រសាសន៍កោតសរសើរដល់គ្រប់ផ្នែកជំនាញទាំងអស់ដែលបានខិតខំយកចិត្តទុកដាក់បំពេញការងារបានល្អប្រសើរ និងបានជំរុញការងារបន្ថែមទៀតដល់ លោកនាយប៉ុស្តិ៍នគរបាលរដ្ឋបាលនៅតាមបណ្តាឃុំសង្កាត់ត្រូវខិតខំធ្វើវេទិការសារធារណះអោយបានញឹកញ៉ាប់ ជាមួយលោកមេឃុំ ចៅសង្កាត់នៅតាមបណ្តាមូលដ្ឋានរបស់ខ្លួនដោយអនុវត្តន៍នៅគោលនយោបាយភូមិឃុំមានសុវត្ថិភាព និងខិតខំបន្តផ្តល់អត្តសញ្ញា
ណប័ណ្ណ ជូនប្រជាពលរដ្ឋអោយបានប្រើប្រាស់គ្រប់ៗគ្នា ទាំងអស់នេះគឺជាគោលការណ៍របស់រាជរដ្ឋាភិបាល ដែលបានដាក់ចុះ។
បន្ថែមពីលើនេះផងដែរលោក ឧត្តមសេនីយ៍ទោ ស្នងការលោកបានមានការលើកសរសើរដល់កម្លាំងនគរបាលគ្រប់ផ្នែកជំនាញទាំងអស់ព្រមទាំងលោកអធិការនគរបាលក្រុងស្រុកទាំងប្រាំ និងលោកនាយប៉ុស្តិ៍នគរបាលរដ្ឋបាលទាំង២១ឃុំសង្កាត់ ដែលបានខិតខំយកចិត្តទុកដាក់រក្សាសន្តិសុខ សណ្តាប់ធ្នាប់ និងសុវត្ថិភាពសង្គមជាពិសេសការខិតខំប្រឹងប្រែងទប់ស្កាត់ក្រុមពួកឧទ្ទាម ដែលធ្វើការបំផុសបំផុលបង្ករអសន្តិសុខក្នុងសង្គម ដែលធ្វើការញ៉ុះញ៉ុង់តាមការឃោសនា របស់ជនអគតិមួយក្តាប់តូចនៅក្រៅប្រទេស។
មុននិងបញ្ចប់លោក ឧត្តមសេនីយ៍ទោស្នងការសូមជូនពរដល់កម្លាំងទាំងអស់សូមជួបប្រទះ តែពុទ្ធពរទាំងបួន ប្រការគឺ អាយុ វណ្ណ: សុខៈ ពលៈ កុំបីឃ្លៀងឃ្លាតឡើយ៕
