នៅព្រឹកថ្ងៃអាទិត្យ ទី៥ ខែមករា ឆ្នាំ២០២៥នេះ លោកឧត្តមសេនីយ៍ទោ ហេង វុទ្ធី ស្នងការនគរបាលខេត្តកំពង់ចាម បានអមដំណើរ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម អញ្ជើញបើកព្រឹត្តិការណ៍ ប្រកួតកីឡាមហាជនជ្រើសរើសជើងឯកទូទាំងខេត្ត ដើម្បីអបអរសាទរខួបអនុស្សាវរីយ៍លើកទី ៤៦ នៃទិវាជ័យជំនះ ៧ មករា ១៩៧៩ – ២០២៥ ដែលពិធីនេះប្រព្រឹត្តទៅនៅបរិវេណកីឡាដ្ឋាន មុខមន្ទីរពេទ្យបង្អែកខេត្តកំពង់ចាម ។
បន្ទាប់មក លោកឧត្តមសេនីយ៍ស្នងការ ក៏បានអញ្ជើញចុះជួបសំណេះសំណាលជាមួយកីឡាករ ក្រុមបាល់ទាត់ និងបាល់ទះ នៃស្នងការដ្ឋាននគរបាលខេត្តកំពង់ចាម ព្រមទាំងទស្សនាការប្រកួត ដើម្បីជាការលើទឹកចិត្តដល់ក្រុមកីឡាករ និងបានឧបត្ថម្ភថវិកា ២លានរៀលដល់ក្រុមកីឡាករទាំងពីរក្រុម ក្នុងមួយក្រុម ថវិកា១លានរៀល និងភេសជ្ជៈមួយចំនួន ផងដែរ ៕
