បាត់ដំបង៖ កាលថ្ងៃទី៣១ ខែធ្នូ ឆ្នាំ២០២៤ វេលាម៉ោង២១:១០នាទី នៅចំណុចភូមិព្រៃទទឹង ឃុំឆ្នាល់មាន់ ស្រុកគាស់ក្រឡ ខេត្តបាត់ដំបង កម្លាំងអធិការដ្ឋាននគរបាលស្រុកគាស់ក្រឡ រួមជាមួយប៉ុស្តិ៍នគរបាលរដ្ឋបាល នៃអធិការដ្ឋាននគរបាលស្រុកគាស់ក្រឡ ដឹកនាំដោយលោកអនុសេនីយ៍ឯក ចាន់ ថានូ អធិការនគរបាលស្រុកគាស់ក្រឡ បានចុះប្រតិបត្តិការ បង្ក្រាបបានករណីក្រុមក្មេងទំនើងកាន់កាប់អាវុធ និងថតកាន់ដាវ (កាំបិតដាវ) មួយករណី ។
ក្នុងកិច្ចប្រតិបត្តិការនេះ សមត្ថកិច្ចឃាត់ខ្លួនជនសង្ស័យបាន ០៤នាក់ ១-ឈ្មោះ បេន ភារុំ ភេទប្រុស អាយុ១៨ឆ្នាំ ជាម្ចាស់ម៉ូតូ មុខរបរ ជាងឡាន, ២-ឈ្មោះ ផុក រ៉ាវ័ន្ត ភេទប្រុស អាយុ១៨ឆ្នាំ មុខរបរកសិករ, ៣-ឈ្មោះ សុខ វិសាល ភេទប្រុស អាយុ១៩ឆ្នាំ មុខរបរកសិករ អ្នកទាំងបី រស់នៅភូមិព្រៃទទឹង ឃុំឆ្នាល់មាន់ ស្រុកគាស់ក្រឡ ខេត្តបាត់ដំបង និង៤-ឈ្មោះ គក់ ណាជេម ភេទប្រុស អាយុ១៤ឆ្នាំ រស់នៅភូមិក្រាំងស្វាត ឃុំឆ្នាល់មាន់ ស្រុកគាស់ក្រឡ ខេត្តបាត់ដំបង មុខរបរសិស្ស (ជាម្ចាស់កាំបិតដាវ) យកមកសាកសួរនៅអធិការដ្ឋាននគរបាលស្រុកគាស់ក្រឡ ។
ក្រោយពីបានសាកសួរក្រុមក្មេងទំនើងខាងលើ បានឆ្លើយសារភាពថា ពួកខ្លួនពិតជាបានកាន់កាប់ និងបានថតដោយកាន់កាំបិតដាវ ០១ដើម ពិតប្រាកដមែន ។ វត្ថុតាងដកហូបានរួមមាន៖
-កាំបិតដាវ ០១ដើម
-ម៉ូតូចំនួន ០១គ្រឿង ម៉ាកហុងដាឌ្រីម ផលិតឆ្នាំ2022 ពណ៌ខ្មៅ ។
-ទូរស័ព្ទដៃចំនួន ០២គ្រឿង ។
បច្ចុប្បន្ន កម្លាំងអធិការដ្ឋាននគរបាលស្រុកគាស់ក្រឡ កំពុងកសាងសំណុំរឿងបញ្ជូនទៅការិយាល័យជំនាញខេត្ត ដើម្បីចាត់វិធានការតាមនីតិវិធី៕
