រាជធានីភ្នំពេញ៖ ដោយមានការយកចិត្តទុកដាក់ពី ឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ នៅព្រឹកថ្ងៃទី៣០ ខែធ្នូ ឆ្នាំ២០២៤ លោកវរសេនីយ៍ឯក ស៊ឹម ពិសិដ្ឋ អធិការនគរបាលខណ្ឌទួលគោក បានដឹកនាំក្រុមការងារចុះសួរសុខទុក្ខមន្រ្ដីនគរបាលជាតិ ចំណុះអធិការដ្ឋាននគរបាលខណ្ឌទួលគោក ចំនួន០២រូបដែលមានជំងឺធ្ងន់ធ្ងរកំពុងសម្រាកព្យាបាល គឺលោកអនុសេនីយ៍ឯក ឈាន សារិទ្ធ នាយរងប៉ុស្ដិ៍នគរបាលរដ្ឋបាលផ្សារដេប៉ូទី២ ជំងឺមហារីកឆ្អឹង(កាត់ជេីង) និងលោកអនុសេនីយ៍ឯក កូវ ប៊ុនឈឿន មន្រ្ដីផ្នែកនគរបាលយុត្ដិធម៍ ជំងឺលេីសឈាម។
ក្នុងឱកាសនោះដែរ ក្រុមការងារបាននាំយកថវិកាឧបត្ថម្ភក្នុងមួយនាក់ ថវិកាចំនួន៣០០,០០០រៀល និងសំភារៈបរិភោគមួយចំនួនដូចជា អង្ករ ត្រីខ មី ទឹកផ្លែឈេី ទឹកត្រី ទឹកស៊ីអ៉ីវ ទឹកសុទ្ធ ផងដែរ៕
