ខេត្តឧត្ដរមានជ័យ ៖ នៅព្រឹកថ្ងៃពុធ ទី១១ ខែធ្នូ ឆ្នាំ២០២៤ ដោយមានការណែនាំ និងយកចិត្តទុកដាក់ពីសំណាក់លោកឧត្តមសេនីយ៍ទោ ខូវ លី ស្នងការនគរបាលខេត្ត លោកវរសេនីយ៍ឯក ស៊ូ នូវ អធិការនគរបាលស្រុកអន្លង់វែង ដឹកនាំសហការីចុះសួរសុខទុក្ខលោកវរសេនីយ៍ត្រី វ៉ាន់ ឃន់ អធិការរងទទួលផែនការងារប្រឆាំងគ្រឿងញៀន នៃអធិការដ្ឋាននគរបាលស្រុកអន្លង់វែង ដែលមានជំងឺគាបសរសៃ កំពុងសម្រាកព្យាបាលនៅគេហដ្ឋាន ស្ថិតនៅភូមិអូរបេង ឃុំផ្អាវ ស្រុកត្រពាំងប្រាសាទ ខេត្តឧត្ដរមានជ័យ។
ក្នុងឱកាសនោះ លោកអធិការនគរបាលស្រុកបានមានមតិសំណេះសំណាល សួរសុខទុក្ខ និងលើកទឹកចិត្តខិតខំព្យាបាលជំងឺ និងជូនពរឱ្យឆាប់ជាសះស្បើយ ព្រមទាំងនាំយកនូវថវិកា ភេសជ្ជៈ របស់លោកស្នងការ និងការចូលរួមពីថ្នាក់ដឹកនាំព្រមទាំងកងកម្លាំង នៃអធិការដ្ឋាននគរបាលស្រុកអន្លង់វែង ឧបត្ថម្ភជូនរួមមាន ៖ ទឹកបរិសុទ្ធអង្គរពូរ៉ូ ២កេស, ទឹកដោះគោឆៅ ២ឡូ, ទឹកត្រចៀកកាំ ២យួរ , ទឹកផ្លែឈេី ១កេស និងថវិកាចំនួន ១,២០០,០០០ រៀល ( មួយលានពីរសែនរៀល ) ដើម្បីជួយសម្រាលបន្ទុកក្នុងការព្យាបាលជំងឺផងដែរ៕
