តាកែវ៖ នាព្រឹកថ្ងៃអាទិត្យ ៩រោច ខែកត្តិក ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី២៤ ខែវិច្ឆិកា ឆ្នាំ២០២៤ នៅវេលាម៉ោង ៦៖៣០នាទី លោកឧត្តមសេនីយ៍ត្រី ឆឹង រតនៈ ស្នងការរង ផែនការងារធនធានមនុស្ស នៃស្នងការដ្ឋាននគរបាលខេត្ត តំណាងដ៏ខ្ពង់ខ្ពស់របស់លោកឧត្តមសេនីយ៍ទោ ម៉ែន លី ស្នងការនគរបាលខេត្ត និងជាប្រធានអនុគណៈកម្មការកណ្តាល ប្រឡងប្រជែងជ្រើសរើសក្របខ័ណ្ឌ មន្រ្តីនគរបាលជាតិ បំពេញជួស ប្រចាំឆ្នាំ ២០២៤ ឲ្យចូលបម្រើការងារនៅស្នងការដ្ឋាននគរបាលខេត្ត ការិយាល័យជំនាញ អធិការដ្ឋាននគរបាលក្រុង ស្រុក <<អញ្ជើញជាអធិបតីភាពកាត់ស្រោមវិញ្ញាសា>> ដោយមានការចូលរួមពីលោកឧត្តមសេនីយ៍ទោ តំណាងបណ្ឌិត្យសភានគរបាលជាតិកម្ពុជា លោកឧត្តមសេនីយ៍ត្រី តំណាងអគ្គនាយកដ្ឋានធនធានមនុស្ស លោកវរសេនីយ៍ឯក តំណាងអគ្គស្នងការដ្ឋាននគរបាលជាតិ ព្រមទាំងក្រុមការងារតំណាងឲ្យបណ្ឌិត្យសភានគរបាលជាតិ អគ្គនាយកដ្ឋានធនធានមនុស្ស អគ្គស្នងការដ្ឋាននគរបាលជាតិ និងក្រុមការងារស្នងការដ្ឋាននគរបាលខេត្ត បេក្ខជន បេក្ខនារីចូលរួមប្រឡងប្រជែងជ្រើសរើសក្របខ័ណ្ឌមន្រ្តីនគរបាលជាតិ សរុបចំនួន ១០១នាក់ ស្រីចំនួន ៣២នាក់ចែកចេញជា ៤បន្ទប់នៅមណ្ឌលប្រឡងនៅវិទ្យាស្ថានពហុបច្ចេកទេសភូមិភាគតោជោសែនតាកែវ៕
