មណ្ឌលគិរី ៖ នៅព្រឹកថ្ងៃព្រហស្បតិ៍ ៦រោច ខែកត្តិក ឆ្នាំរោង ឆស័ក ពុទ្ធស័ករាជ ២៥៦៨ ត្រូវនឹង ថ្ងៃទី២១ ខែវិច្ឆិកា ឆ្នាំ២០២៤ នេះ លោក វរសេនីយ៍ឯក នួន ហាន ស្នងការរងទទួលការងារផែនគ្រប់គ្រងអាវុធជាតិផ្ទុះ និងអគ្គីភ័យ តំណាង លោកឧត្តមសេនីយ៍ទោ ឡោ សុខា ស្នងការនគរបាលខេត្តមណ្ឌលគិរី ដឹកនាំលោក លោកស្រីនាយនាយរងការិយាល័យជំនាញគ្រប់គ្រងអាវុធគ្រឿងផ្ទុះ និងជាតិពុល លោកមេបញ្ជាការរងវរសេនាតូចនគរបាលការពារព្រំដែនគោកទាំងពីរ លេខ ៣០៣/៦២១ បានអញ្ជើញចូលរួម សិក្ខាសាលាផ្សព្វផ្សាយច្បាប់ស្ដីពីការហាមឃាត់អាវុធគីមី អាវុធនុយក្លេអ៊ែរ អាវុធជីវសាស្រ្ដ និងអាវុធវិទ្យុសកម្ម ក្រោមធិបតីភាព ឯកឧត្តម ងិន សុវិមាន អភិបាលរងនៃគណៈអភិបាលខេត្ត លោកជំទាវ ឧត្តមសេនីយ៍ទោ សុខុន ស្រីល័ក្ខ នាយក នាយកដ្ឋានហ្វឹកហ្វឺន និងបណ្ដុះបណ្ដាលជំនាញ តំណាង ឯកឧត្តម ឧត្តមសេនីយ៍ បណ្ឌិត ផន ណារ៉ា អគ្គលេខាធិការ អាជ្ញាធរជាតិ អាវុធគីមី ព្រមទាំងមានការអញ្ជេីញចូលរួមពីសំណាក់ នាយករដ្ឋបាលខេត្ត មេបញ្ជាការ-មេបញ្ជការរងកងកម្លាំងប្រដាប់អាវុធទាំងបីប្រភេទ លោក លោកស្រីប្រធាន -អនុប្រធានមន្ទីរ អង្គភាព មន្រ្ដីជំនាញ និងសិក្ខាកាមពាក់ព័ន្ធក្នុងខេត្តជាច្រេីនរូបផងដែរ សិក្ខាសាលានេះប្រព្រឹត្តទៅ នៅសាលារដ្ឋបាលខេត្ត អគារ “គ” សាលាខេត្តមណ្ឌលគិរី៕
