លោកត្រាំ និងលោកពូទីន បានពិភាក្សាគ្នា ស្របពេលដែលលោកបាយឌិន គ្រោងនឹងបញ្ចុះបញ្ចូល លោកត្រាំឱ្យបន្តគាំទ្រអ៊ុយក្រែន

WEST PALM BEACH, Florida/WASHINGTON, Nov 10 (Reuters) – កាលពីថ្ងៃអាទិត្យ ប្រភពដែលដឹងអំពីការសន្ទនាបានប្រាប់សារព័ត៌មានរ៉យទ័រថា ប្រធានាធិបតីជាប់ឆ្នោតរបស់សហរដ្ឋអាមេរិកលោកដូណាល់ ត្រាំបាននិយាយជាមួយប្រធានាធិបតីរុស្ស៊ីលោក ពូទីន និងបានណែនាំកុំឱ្យលោកបង្កើនភាពក្នុងសង្រ្គាមអ៊ុយក្រែន ខណៈដែលប្រធានាធិបតីចូ បាយឌិនគ្រោងជម្រុញលោកត្រាំកុំឱ្យបោះបង់ទីក្រុងគៀវ។
ប្រភពបាននិយាយថា លោកត្រាំ និងលោកពូទីន បានពិភាក្សាគ្នានៅក្នុងប៉ុន្មានថ្ងៃថ្មីៗនេះ។ ហើយលោកត្រាំ បាននិយាយជាមួយប្រធានាធិបតីអ៊ុយក្រែន Volodymyr Zelenskiy កាលពីថ្ងៃពុធ។ លោកត្រាំបានរិះគន់ទំហំនៃការគាំទ្រផ្នែកយោធា និងហិរញ្ញវត្ថុរបស់សហរដ្ឋអាមេរិកសម្រាប់ទីក្រុងគៀវ ដោយបានប្តេជ្ញាថានឹងបញ្ចប់សង្រ្គាមឱ្យបានឆាប់រហ័សដោយ ប៉ុន្តែមិនបាននិយាយអំពីរបៀបដោះស្រាយនោះទេ។
ក្រសួងការបរទេសអ៊ុយក្រែនបាននិយាយថា ខ្លួនមិនត្រូវបានជូនដំណឹងជាមុនអំពីការសន្ទនាតាមទូរស័ព្ទរវាងលោក ត្រាំ និងលោក ពូទីនទេ ហើយក៏មិនអាចគាំទ្រ ឬជំទាស់បានដែរ។
នៅពេលត្រូវបានសួរអំពីការសន្ទនាតាមទូរស័ព្ទដែលត្រូវបានរាយការណ៍ដំបូងដោយ The Washington Post លោក Steven Cheung នាយកផ្នែកទំនាក់ទំនងរបស់លោកត្រាំបានឆ្លើយថា “យើងមិនធ្វើអត្ថាធិប្បាយលើការសន្ទនាតាមទូរស័ព្ទឯកជនរវាងប្រធានាធិបតីលោកត្រាំ និងមេដឹកនាំពិភពលោកផ្សេងទៀតទេ”។
ស្ថានទូតរុស្ស៊ីនៅទីក្រុងវ៉ាស៊ីនតោន មិនបានឆ្លើយតបភ្លាមៗចំពោះសំណើសុំការអត្ថាធិប្បាយឡើយ។