ខេត្តមណ្ឌលគិរី ៖ នៅព្រឹក ថ្ងៃពុធ ៦កើត ខែកត្តិក ឆ្នាំរោង ឆស័ក ព.ស ២៥៦៨ ត្រូវនឹង ថ្ងៃទី៦ ខែតុលា ឆ្នាំ២០២៤ នេះលោកវរសេនីយ៍ឯកហ្វៀង ថាញ់ឌិញ មេបញ្ជាការដ្ឋានកងទ័ពការពារព្រំដែនខេត្តដាក់ណុងសាធារណរដ្ឋសង្គមនិយមវៀតណាម ដែលជាប្រធានប្រតិភូបានអញ្ជើញចូលរួមអបអរសាទរខួបលើកទី៧១ នៃទិវាបុណ្យឯករាជ្យជាតិ ០៩-វិច្ឆិកា-ឆ្នាំ២០២៤ ជាមួយស្នងការដ្ឋាននគរបាលខេត្តមណ្ឌលគិរី។
-គណៈប្រតិភូបញ្ជាការដ្ឋានកងទ័ពការពារព្រំដែនខេត្តដាក់ណុង វៀតណាមដឹកនាំដោយលោកវរសេនីយ៍ឯក ហ្វៀន ថាញ់ឌិញ មេបញ្ជាការកងទ័ពខេត្តដាក់ណុងសាធារណរដ្ឋសង្គមនិយមវៀតណាមនិងប្រតិភូបានអញ្ជើញមកចូលរួមអបអរសាទរខួបលើកទី៧១ ទិវាបុណ្យឯករាជ្យជាតិ ០៩-វិច្ឆិកា-ឆ្នាំ២០២៤។
-ភាគីកម្ពុជាដឹកនាំដោយលោក ឧត្តមសេនីយ៍ត្រី អ៊ន ប៊ុន្នីរិទ្ធិ ស្នងការរងតំណាងដ៏ខ្ពង់ខ្ពស់លោកឧត្តមសេនីយ៍ទោ ឡោ សុខា ស្នងការនគរបាលខេត្ត ព្រមទាំងលោកស្នងការរងនិងមន្ត្រីនគរបាលក្រោមឱវាទបានជួបសំណេះសំណាលនិងសួរសុខទុក្ខព្រមទាំងសម្ដែងនូវការគួរសមចំពោះភាគីនៃខេត្តទាំងពីរ។ ស្ថិតក្នុងឱកាសនោះផងដែរលោកឧត្តមសេនីយ៍ត្រី អ៊ន ប៊ុន្នីរិទ្ធិ ស្នងការរងបានសម្តែងនូវការគួរសមចំពោះលោកវរសេនីយ៍ឯក ហ្វៀង ថាញ់ឌិញ មេបញ្ជាការដ្ឋានកងទ័ពការពារព្រំដែនខេត្តដាក់ណុងសារធារណរដ្ឋសង្គមនិយមវៀតណាមដែលបានចំណាយពេលវេលាដ៏មានតម្លៃដែលបានអញ្ជើញចូលរួមក្នុងពិធីអបអរសារទរខួបលើកទី៧១ ទិវាបុណ្យឯករាជ្យជាតិ ០៩-វិច្ឆិកា-ឆ្នាំ២០២៤ និងបានលើកឡើងពីចំណងសាមគ្គីភាពមិត្តភាព និងកិច្ចសហប្រតិបត្តិការក្នុងការបង្ការនិងបង្ក្រាបនូវបទល្មើសគ្រប់ប្រភេទ នៅតាមខ្សែបន្ទាត់ព្រំដែនរវាងខេត្តយើងទាំងពីរ ដែលជាអ្នកភូមិផងរបងតែមួយនិងសូមអោយចំណងសាមគ្គីភាពមិត្តភាពនិងកិច្ចសហប្រតិបត្តិការរវាងខេត្តយើងទាំងពីរស្ថិតថេរជាអមតះ។
-មុននិងបញ្ចប់គណ: ប្រតិភូអង្គភាពនៃខេត្តទាំងពីរក៏បានធ្វើការប្រគល់ជូននូវកាដូអនុស្សាវរីយ៍ទៅវិញទៅមកនៃអង្គភាពខេត្តទាំងពីរក្នុងឱកាសនោះផងដែរប្រកបទៅដោយភាពសិ្នទ្ធស្នាលជាទីបំផុត៕
