ខេត្តកំពង់ឆ្នាំង ៖ នាព្រឹកថ្ងៃអង្គារ ០៥កើត ខែកត្ដិក ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី០៥ ខែវិច្ឆិកា ឆ្នាំ២០២៤ លោកឧត្តមសេនីយ៍ត្រី យឹម សុជាតិ ស្នងការរង ផែនការងារធនធានមនុស្ស តំណាងដ៏ខ្ពង់ខ្ពស់លោកឧត្តមសេនីយ៍ទោ តេង ច័ន្ទណាត ស្នងការ នៃស្នងការដ្ឋាននគរបាលខេត្តកំពង់ឆ្នាំង អមជាមួយដោយលោកវរសេនីយ៍ឯក ប៉ុន ច័ន្ទរស្មី នាយការិយាល័យបណ្តុះបណ្តាល ព្រមទាំងក្រុមការងារបានជួបសំណេះសំណាល ណែនាំដល់និស្សិតថ្នាក់បរិញ្ញាបត្រវិទ្យាសាស្ត្រនគរបាលជំនាន់ទី១២, ១៣, និង១៤ ចំនួន ២៨រូប ស្រី ០៩រូប ដែលត្រូវចុះកម្មសិក្សា នៅតាមបណ្ដាអធិការដ្ឋាន និងប៉ុស្ដិ៍នគរបាលរដ្ឋបាល ដើម្បីលើកកម្ពស់គុណភាពអប់រំបណ្ដុះបណ្ដាល និងដើម្បីឱ្យនិស្សិតអាចបំពេញការងារបានល្អ មានជំនាញវិជ្ជាជីវៈច្បាស់លាស់ និងឆ្លើយតបទៅនឹងលទ្ធផលសិក្សា នៃកម្មវិធីអប់រំដែលបានកំណត់ ព្រមទាំងទទួលបានចំណេះដឹងថ្មីៗ និងបទពិសោធន៍ នៃការអនុវត្តការងារជាក់ស្ដែង ផ្សាភ្ជាប់នឹងទ្រឹស្ដីដែលបានសិក្សា ដើម្បីទទួលបានលទ្ធផលល្អប្រសើរប្រកបដោយផ្លែផ្កា គុណភាព និងមានប្រសិទ្ធភាពខ្ពស់៕
