សៀមរាប ៖ នៅរសៀលថ្ងៃអង្គារ ៥កើត ខែកត្តិក ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី៥ ខែវិច្ឆិកា ឆ្នាំ២០២៤ នៅសាលប្រជុំស្នងការដ្ឋាននគរបាលខេត្ត លោកឧត្ដមសេនីយ៍ទោ ហួត សុធី ស្នងការ នៃស្នងការដ្ឋាននគរបាលខេត្តសៀមរាប ទទួលជួបសំណេះសំណាលជាមួយនិស្សិតថ្នាក់បរិញ្ញាបត្រវិទ្យាសាស្រ្តនគរបាល ជំនាន់ទី១២,១៣ និង១៤ នៃបណ្ឌិត្យសភានគរបាលកម្ពុជា សរុបចំនួន ៥៤នាក់ ស្រី ១៥នាក់ ដែលចុះកម្មសិក្សានៅតាមបណ្ដាអធិការដ្ឋាននគរបាលក្រុង-ស្រុក និងតាមបណ្តាប៉ុស្តិ៍នគរបាលរដ្ឋបាលមួយចំនួន នៃស្នងការដ្ឋាននគរបាលខេត្តសៀមរាប ចាប់ពីថ្ងៃទី៥ ខែវិច្ឆិកា ដល់ថ្ងៃទី២៣ ខែធ្នូ ឆ្នាំ២០២៤ ក្នុងគោលបំណងដកស្រង់នូវបទពិសោធទាក់ទងនឹងការអនុវត្តការងារជាក់ស្តែង ផ្សារភ្ជាប់ជាមួយនឹងទ្រឹស្តីដែលបានសិក្សានាពេលកន្លងមក៕
