មណ្ឌលគិរី ៖ ដោយគិតចាប់ពីព្រឹក ថ្ងៃសុក្រ ១កើត ខែកត្តិក ឆ្នាំរោង ឆស័ក ព.ស២៥៦៨ ត្រូវនឹង ថ្ងៃទី០១ ខែវិច្ឆិកា ឆ្នាំ២០២៤ រហូត មកដល់ព្រឹកថ្ងៃទី៣ ខែវិច្ឆិកា ឆ្នាំ២០២៤ នេះ ដោយមានការខិតខំប្រឹងប្រែងយកចិត្តទុកដាក់ខ្ពស់ពីលោក ឧត្តមសេនីយ៍ទោ ឡោ សុខា ស្នងការនគរបាលខេត្ត ក្នុងការរក្សាសន្តិសុខ សណ្តាប់ធ្នាប់ និងសុវត្ថិភាពជូនថ្នាក់ដឹកនាំ ដែលបានមកបោះជំរំបំពេញទស្សនកិច្ច ក្នុងខេត្តមណ្ឌលគិរីលោក ឧត្តមសេនីយ៍ទោ ឡោ សុខា ស្នងការនគរបាលខេត្តមណ្ឌលគិរី លោកបានរៀបចំកងកម្លាំងនគរបាល ដែលកំពុងឈរជើងការពារ ទៅតាមគោលដៅសំខាន់ៗនៅតាមដងផ្លូវ ដើម្បីរក្សាសន្តិសុខ សណ្តាប់ធ្នាប់ នៅតាមដងផ្លូវទាំងកម្លាំងនគរបាលចរាចរណ៍ និងកម្លាំងនគរបាលអន្តរាគមន៍ ព្រមទាំងកម្លាំង អធិការដ្ឋាននគរបាលស្រុកពេជ្រាដា កម្លាំងនគរបាលស្រុកអូររាំង កម្លាំងអធិការដ្ឋាននគរបាល ស្រុកកែវសីមា ខេត្តមណ្ឌលគិរី បានធ្វើការសម្រួលចរាចរណ៍ នៅតាមដងផ្លូវចាប់ពី ក្រុងសែនមនោរម្យរហូតដល់ច្រកទ្វារឡាប៉ាខេ ស្រុកកែវសីមា ដើម្បីសំរួលចរាចរណ៍ក្នុងគោលបំណង រក្សាសន្តិសុខ និងសុវត្ថិភាពជូន ក្រុមសមាគមកាយប្ញទ្ធិនារីកម្ពុជា ដែលបានធ្វើដំណើរ ទៅបំពេញទស្សនកិច្ចសិក្សាបន្ត ទៅច្រកទ្វារព្រំដែនឡាប៉ាខេ ក្នុងស្រុកកែវសីមា ខេត្តមណ្ឌលគិរី ប្រកបទៅដោយសន្តិសុខល្អនិងសុវត្ថិភាព ចាប់ពីពេលចេញដំណើរ ទៅទស្សនកិច្ចរមណីដ្ឋានទឹកជ្រោះប៉ូស្រា រហូតបន្តដំណើរទៅទស្សនកិច្ច នៅបង្គោលព្រំដែន តាមច្រកទ្វារប៉ុស្តិ៍ឡាប៉ាខេ ក្នុងស្រុកកែវសីមា ក្រុមការងារសមាគមកាយឬទ្ធិកម្ពុជា បានធ្វើដំណើរទស្សនកិច្ចប្រកបទៅដោយ សន្តិសុខនិងសុវត្ថិភាព បានល្អប្រសើររហូតវិលត្រឡប់ ធ្វើដំណើរទៅទីក្រុងភ្នំពេញវិញ ប្រកបដោយសុវត្ថិភាព៕
