ខេត្តកែប៖ នាព្រឹកថ្ងៃសៅរ៍ ២កើត ខែកត្តិក ឆ្នាំរោងឆស័ក ពុទ្ធសករាជ ២៥៦៨ត្រូវនឹងថ្ងៃទី២ ខែវិច្ឆិកា ឆ្នាំ២០២៤ លោកឧត្តមសេនីយ៍ទោ សម្បត្តិ សុធារដ្ឋ ស្នងការនគរបាលខេត្តកែប អញ្ជើញដឹកនាំចូលរួម និងរៀបចំពង្រាយកម្លាំងរក្សាសន្តិសុខ សុវត្ថិភាព និងរៀបចំសណ្តាប់ធ្នាប់ ពិធីបើកការប្រកួតកីឡាទ្រីយ៉ាត្លុង ព្រឹត្តិការណ៍កីឡាជាតិលើកទី៤ ក្រោមអធិបតីភាពដ៏ខ្ពង់ខ្ពស់ ឯកឧត្តមបណ្ឌិត សោម ពិសិដ្ឋ អភិបាល នៃគណៈអភិបាលខេត្តកែប នៅឆ្នេរអង្កោល ស្រុកដំណាក់ចង្អើរ ខេត្តកែប។
ក្រោយបញ្ចប់ ពិធីបើកការប្រកួតកីឡាទ្រីយ៉ាត្លុង លោកឧត្តមសេនីយ៍ទោ ស្នងការនគរបាលខេត្ត អមដំណើរ ឯកឧត្តម អភិបាលខេត្តកែប បន្តចុះត្រួតពិនិត្យទីតាំងត្រៀមប្រារព្ធពិធីសម្ពោធដាក់ឲ្យប្រើប្រាស់ជាផ្លូវការ វិថីសន្តិភាពតេជោ ដែលនឹងប្រព្រឹត្តទៅនាពេលឆាប់ៗខាងមុខនេះ៕
