COPENHAGEN, Oct 16 (Reuters) – កាលពីល្ងាចថ្ងៃអង្គារ ប្រធានាធិបតីបាននិយាយថា អ៊ីស្លង់នឹងរៀបចំការបោះឆ្នោតសភានៅថ្ងៃទី៣០ ខែវិច្ឆិកា បន្ទាប់ពីកាលពីថ្ងៃអាទិត្យ នាយករដ្ឋមន្ត្រីបាននិយាយថា រដ្ឋាភិបាលចម្រុះត្រីភាគីបានដួលរលំ។

នាយករដ្ឋមន្ត្រីលោក Bjarni Benediktsson បាននិយាយថា រដ្ឋាភិបាលចម្រុះនៃបក្សស្តាំនិយម គណបក្សឯករាជ្យនិយមអាជីវកម្ម គណបក្សជឿនលឿនស្តាំកណ្តាល និងឆ្វេងបៃតង បានដួលរលំដោយសារការខ្វែងគំនិតគ្នារាប់ចាប់ពីគោលនយោបាយស្តីពីសិទ្ធិជ្រកកោន រហូតដល់ស័ក្តិសិទ្ធភាពថាមពល។ លោក Benediktsson ដែលដឹកនាំគណបក្សឯករាជ្យ ត្រូវបានតែងតាំងជានាយករដ្ឋមន្ត្រីកាលពីខែមេសា ដោយជំនួសលោកស្រី Katrin Jakobsdottir បន្ទាប់ពីលោកស្រីបានប្រកាសថា នឹងលាលែងពីតំណែង ហើយឈរឈ្មោះជាប្រធានាធិបតី។ ប៉ុន្តែ​តំណែង​ប្រធានាធិបតី​ត្រូវ​បាន​ឈ្នះ​ដោយ​លោកស្រី Halla Tomasdottir ជា​អ្នកជំនួញ ​ដែល​ចូល​កាន់​តំណែង​កាលពី​ខែសីហា​។

អ៊ីស្លង់បានប្រឈមមុខនឹងភាពមិនច្បាស់លាស់បន្ទាប់ពីការផ្ទុះភ្នំភ្លើងជាបន្តបន្ទាប់កាលពីពេលថ្មីៗនេះ ដែលបានបង្ខំមនុស្សរាប់ពាន់នាក់ឱ្យចាកចេញពីលំនៅដ្ឋាន ដោយដាក់សម្ពាធបន្ថែមលើសេដ្ឋកិច្ចដែលប្រឈមមុខនឹងអតិផរណា និងអត្រាការប្រាក់ខ្ពស់។

Screenshot