កំពង់ស្ពឺ ៖ នាព្រឹកថ្ងៃព្រហស្បតិ៍ ទី១០ ខែតុលា ឆ្នាំ២០២៤ នៅសាលប្រជុំ ស្នងការដ្ឋាននគរបាលខេត្តកំពង់ស្ពឺ មានពិធីបិទសវនកម្មផ្ទៃក្នុង ក្រោមអធិបតីភាព ឯកឧត្តម ឧត្ដមសេនីយ៍ឯក លឹម ឡុង អគ្គនាយករង នៃអគ្គនាយកដ្ឋានសវនកម្មផ្ទៃក្នុង ក្រសួងមហាផ្ទៃ តំណាងឯកឧត្ដម ឧត្តសេនីយ៍ឯក ងួន ស្រេង អគ្គនាយកសវនកម្ម រួមជាមួយក្រុមការងារ គណៈប្រតិភូសវនករ បានអញ្ជេីញដឹកនាំកិច្ចប្រជុំផ្សព្វផ្សាយនិងបិទសវនកម្ម សម្រាប់ការិយបរិច្ឆេត ឆ្នាំ២០២៣ នៅសាលប្រជុំស្នងការដ្ឋាននគរបាលខេត្តកំពង់ស្ពឺ ។
ដោយមានការអញ្ជើញចូលរួមក្នុងកិច្ចប្រជុំផ្សព្វផ្សាយរួមមាន៖
-លោក-លោកស្រីស្នងការរង ទទួលផែនការងារជំនាញ ទាំង ១២
-លោក-ស្នងការរង ទទួលជំនួយការដឹកនាំការិយាល័យនីមួយៗ
-លោក-លោកស្រី ជានាយការិយាល័យជំនាញទាំង ៣១
-លោកអធិការ នគរបាលក្រុង-ស្រុក ទាំង ០៩៕
