មណ្ឌលគិរី ៖ នាព្រឹកថ្ងៃអង្គារ ៧រោច ខែភទ្របទ ឆ្នាំរោង ឆស័ក ព.ស ២៥៦៨ ត្រូវនឹង ថ្ងៃទី២៤ ខែកញ្ញា ឆ្នាំ២០២៣៤ នេះ លោកឧត្តមសេនីយ៍ត្រី សៅ សាវ៉ាត ស្នងការរង ព្រមទាំងលោកឧត្តមសេនីយ៍ត្រី ស៊ុម សោភ័ណ្ឌ ស្នងការរង តំណាងលោកឧត្តមសេនីយ៍ទោ ឡោ សុខា ស្នងការនគរបាលខេត្តមណ្ឌលគិរី ព្រមទាំង លោក លោកស្រី នាយ នាយរងការិយាល័យ និងសហការីបាននាំយកទេយ្យទានបច្ច័យ និងគ្រឿងឧបភោគបរិភោគយកទៅប្រគេនដល់ព្រះសង្សក្នុងពិធីបុណ្យកាន់បិណ្ឌវេនទី៧ នៅវត្តមណ្ឌលជលសាមហាសែនជ័យ(ហៅវត្តជីមាត)។
ក្នុងពិធីកាន់បិណ្ឌ ទី៧ នេះ លោកឧត្តមសេនីយ៍ត្រី ស្នងការរងនគរបាលខេត្ត បាននាំយកនូវទេយ្យទានរបស់លោកឧត្តមសេនីយ៍ទោស្នងការនគរបាលខេត្ត ទៅប្រគេនដល់ព្រះសង្ឃគង់ចាំព្រះវស្សា ក្នុងនោះបច្ច័យរួមមាន÷ ១ /ថវិកា ចំនួន ១,០០០,០០០ ៛(មួយលានរៀល), ២ /អង្ករ ២០០គីឡូក្រាម, ៣ /ទឹកសុទ្ធ ១០យួរ, ៤ /ទឹកផ្លែឈើ ១កេស, ៥ /ទឹកសុទ្ធ វីតាល់ ២កេស, ៦ /ស្លាដក់ ៤, ៧ /មីចំនួន ៤ កេស, ៨ /ត្រីខ ចំនួន ៤យួរ សម្រាប់ជួយទំនុកបម្រុង ដល់ព្រះសង្ឃ ដែលកំពុងគង់ចាំព្រះវស្សា និងដើម្បីចាត់ចែងប្រើប្រាស់ក្នុងការកសាងសមិទ្ធផលនានាក្នុងវត្តផងដែរ៕
