ខេត្តបាត់ដំបង៖ នៅថ្ងៃទី០២ ខែសីហា ឆ្នាំ២០២៤ វេលាម៉ោង១៣និង៤៥នាទី នៅចំ ណុចហាងកាហ្វេឈ្មោះ ជា កាហ្វេ ភូមិផ្កាស្លា សង្កាត់ចំការសំរោង ក្រុងបាត់ដំបង ខេត្តបាត់ដំបង ដោយអនុវត្តតាមយោបល់ដឹកនាំ របស់លោកឧត្តមសេនីយ៍ទោ ដាញ់ អេងប៊ុនចាន់ ស្នងការ នៃស្នងការដ្ឋាននគរបាលខេត្តបាត់ដំបង រួមនឹងយោបល់របស់លោកវរសេនីយ៍ឯក សុខ និមល ស្នងការរងផែនការងារប្រឆាំងគ្រឿងញៀន កម្លាំងការិយាល័យប្រឆាំងគ្រឿងញៀន នៃស្នងការដ្ឋាននគរបាលខេត្តបាត់ដំបង ដឹកនាំដោយលោកវរសេនីយ៍ទោ ប៉ាន ចាន់រិទ្ធ នាយការិយាល័យនគរបាល ប្រឆាំងគ្រឿង បានចុះប្រតិបត្តិការ បង្ក្រាបបានករណីជួញដូរ សម្រួលឲ្យប្រើប្រាស់ និងប្រើប្រាស់ដោយខុសច្បាប់នូវសារធាតុញៀន ០១ករណី ក្នុងបទល្មើសជាក់ស្តែង ។
ក្នុងកិច្ចប្រតិបត្តិការនេះ សមត្ថកិច្ចឃាត់ខ្លួនជនសង្ស័យបានចំនួន ០៦នាក់៖
១-ឈ្មោះ ជាង សុជាតិ ភេទប្រុស អាយុ៤០ឆ្នាំ មានទីលំនៅភូមិផ្កាស្លា សង្កាត់ចំការសំរោង ក្រុង បាត់ដំបង ខេត្តបាត់ដំបង (ម្ចាស់ទីតាំង) ។
២-ឈ្មោះ វិណៃ ឡៃឡាក់ ភេទប្រុស អាយុ១៩ឆ្នាំ មានទីលំនៅភូមិសូភី១ សង្កាត់រតនៈ ក្រុងបាត់ដំបង ខេត្តបាត់ដំបង (អ្នកជួញដូរ) ។
៣-ឈ្មោះ ប៊ុន សំណាង ភេទប្រុស អាយុ២៣ឆ្នាំ មានទីនៅភូមិអូរចារ សង្កាត់អូរចារ ក្រុងបាត់ដំបង ខេត្តបាត់ដំបង (អ្នកប្រើប្រាស់) ។
៤-ឈ្មោះ អៀប ឃុន ភេទប្រុស អាយុ២៣ឆ្នាំ មានទីលំនៅភូមិវត្តតាមិម ឃុំអូរដំបង១ ស្រុកសង្កែ ខេត្តបាត់ដំបង (អ្នកប្រើប្រាស់) ។
៥-ឈ្មោះ តុន ហេងប៊ុនលាភ ភេទប្រុស អាយុ១៧ឆ្នាំ មានទីលំនៅភូមិអូរតាគាំ១ សង្កាត់ទួលតាឯក ក្រុងបាត់ដំបង ខេត្តបាត់ដំបង (អ្នកប្រើប្រាស់) ។
៦-ឈ្មោះ ធី ជីវ័ន្ត ភេទប្រុស អាយុ១៥ឆ្នាំ មានទីលំនៅភូមិបែកចានថ្មី សង្កាត់ព្រែកព្រះស្ដេច ក្រុងបាត់ដំបង ខេត្តបាត់ដំបង (អ្នកប្រើប្រាស់) ។ វត្ថុតាងចាប់យកបានរួមមាន៖ កញ្ញាក្រៀមចំនួន ០៥ថង់ ទម្ងន់ ៤៩០,៣៣ក្រាម ។ ទូរស័ព្ទដៃចំនួន ០៦គ្រឿង។ បំពង់សម្រាប់ជក់កញ្ញាចំនួន០២។កាបូបលុយចំនួន០១។ ប្រាក់ចំនួន ២៨ ២០០រៀល (ពីរម៉ឺនប្រាំបីពាន់ពីររយរៀល)។ ជ្រុញសម្រាប់ចិញ្ច្រាំកញ្ជាចំនួន០២។ លោហៈធាតុពណ៌ប្រាក់ (ខ្សែកចំនួន ០១ខ្សែ មានបន្តោងព្រះចំនួន ០២ និងបន្តោងខ្នាយចំនួន០២)។ ប័ណ្ណសារព័ត៌មានចំនួន ០៨សន្លឹក។ ប័ណ្ណចាក់វ៉ាក់សាំងចំនួន ០១សន្លឹក។ ប័ណ្ណបើកបរចំនួន ០១សន្លឹកប័ណ្ណមូលនិធិសមធម៌សុខាភិបាលចំនួន ០១សន្លឹក។ កាតធនាគារ ABA ចំនួន ០២សន្លឹក។ នាឡិកាដៃ ចំនួន ០១គ្រឿង។ ខ្សែដៃអង្កាំចំនួន ០១។ ប្រអប់កាសចំនួន ០១។ ជញ្ជាំងខូចចំនួន ០១គ្រឿង។ ពូថៅ ០២។ ម៉ូតូចំនួន ០៣គ្រឿង ។
បច្ចុប្បន្ន សមត្ថកិច្ចជំនាញកំពុងកសាងសំណុំរឿងបញ្ជូនជនសង្ស័យ ខាងលើទៅសាលាដំបូងខេត្តបាត់ដំបង ដើម្បីអនុវត្តបន្តតាមនីតិវិធី៕
