ខេត្តបាត់ដំបង៖ ចាប់ពីថ្ងៃទី០៤ ដល់ថ្ងៃទី១៣ ខែកញ្ញា ឆ្នាំ២០២៤នេះ ក្រោមការដឹកនាំរបស់លោកឧត្តមសេនីយ៍ទោ ដាញ់ អេងប៊ុនចាន់ ស្នងការនគរបាលខេត្តបាត់ដំបង ផែនការងារអត្តសញ្ញាណកម្ម ដែលមានលោកឧត្តមសេនីយ៍ត្រី ម៉ាក ទន ស្នងការរងទទួលផែនបានដឹកនាំមន្រ្តីជំនាញចុះពង្រឹងការងារអត្តសញ្ញាណកម្មដោយផ្តោតលេីការគ្រប់គ្រងការស្នាក់នៅ និងការងារអត្តសញ្ញាណប័ណ្ណសញ្ជាតិខ្មែរ នៅប៉ុស្តិ៍នគរបាលរដ្ឋបាលឃុំ-សង្កាត់ នៃអធិការដ្ឋាននគរបាលក្រុង-ស្រុកទាំង៦ មានក្រុងបាត់ដំបង ស្រុកសង្កែ ស្រុកឯកភ្នំ ស្រុកថ្មគោល ស្រុកបវេល និងស្រុកសំពៅលូន។
ជាលទ្ធផលផ្តល់ អត្តសញ្ញាណប័ណ្ណសញ្ជាតិខ្មែរ ជូនពលរដ្ឋគ្រប់អាយុ១៥ឆ្នាំ ក្នុងឆ្នាំ២០២៤ទទួលបាន១៥,៣១០នាក់ ស្មេីនឹង១៣៥% លើសផែនការចំនួន ៤,២២១នាក់ ស្មេីនឹង៣៥%។ អត្តសញ្ញាណប័ណ្ណផុតសុពលភាពប្រេីប្រាស់ផ្តល់បាន ៤១,៥៨៩នាក់ ស្មេីនឹង៦៥% នៅ សល់៣,៥៩២៣នាក់ ស្មេីនឹង៣៥% ។
ចំពោះពលរដ្ឋ ដែលមានអត្តសញ្ញាណប័ណ្ណ អស់សុពលភាព បានធ្វើការផ្តល់ ជូនបានចំនួន៦៥ %នៅសល់ ៣៥% ត្រូវ ផ្តល់បន្តចាប់ពីខែវិច្ឆិកា និងខែធ្នូឆ្នាំ២០២៤នេះ ។
តាមការសន្និដ្ឋាន ក្រោយពីចុះពិនិត្យ និងជម្រុញការងារអត្តសញ្ញាណប័ណ្ណ ចំនួន៦ស្រុក រួចមក ឃើញថា ពលរដ្ឋមានការយកចិត្តទុកដាក់ ក្នុងការសហកាជាមួយ មន្រ្តីជំនាញផ្តល់អត្តសញ្ញាណប័ណ្ណ និងបានយល់ ដឹងពីសារសំខាន់នៃអត្តសញ្ញា ណប័ណ្ណឬឯកសារពាក់ព័ន្ធផ្សេងទៀតដែលបញ្ជាក់ជាពលរដ្ឋ ដែលមានសញ្ជាតិខ្មែរ ស្របច្បាប់ ហើយមានតម្រូវការចាំបាច់ជាច្រើនក្នុងការប្រើប្រាស់ប្រចាំថ្ងៃ ទើបជាលទ្ធផល ទទួលបាន អត្តសញ្ញាណប័ណ្ណគ្រប់អាយុ បានចំនួន១៣៥% លើសផែនការរហូតដល់ ៣៥ % ។
នៅពេលបន្តបន្ទាប់លោកឧត្តមសេនីយ៍ទោ ស្នងការ នឹងបន្តជម្រុញឱ្យក្រុមការងារនេះ ធ្វេីការជម្រុញឱ្យកាន់តែមានប្រសិទ្ធិភាព បន្ថែមទៀតលេីការងារ អត្តសញ្ញាណកម្មនេះ នៅទូទាំងខេត្ត ពិសេសការប្រេីប្រាស់រថយន្តចល័ត ដែលមានស្រាប់ចុះទៅបំពេញបែបបទ ផ្តល់ អត្តសញ្ញាណប័ណ្ណសញ្ជាតិខ្មែរ នៅតាមសាលារៀនរដ្ឋ និងឯកជន ក៏ដូចជានៅតាមមូលដ្ឋានឃុំ សង្កាត់ក្នុងខេត្ត ដេីម្បីបង្កលក្ខណៈងាយស្រួលមួយកម្រិតធំទៀត ដល់សិស្សានុសិស្ស និងប្រជាពលរដ្ឋ៕
