រាជធានីភំ្នពេញ៖ ដោយទទួលបានការអនុញ្ញាតដ៏ខ្ពង់ខ្ពស់ពី ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ នាព្រឹកថ្ងៃទី១២ ខែកញ្ញា ឆ្នាំ២០២៤នេះ នៅទីស្ដីការក្រសួងមហាផ្ទៃ ឯកឧត្តម ឧត្តមសេនីយ៍ឯក ព្រុំ សន្ធរ អគ្គស្នងការរងនគរបាលជាតិ និងឯកឧត្តម ឧត្តមសេនីយ៍ឯក ឃឹង សារ៉ាត់ នាយកមន្ទីរប្រឆាំងបទល្មើសគ្រឿងញៀន បានទទួលជួបស្វាគមន៍ និងពិភាក្សាការងារជាមួយ លោកស្រី Kary Malthus មន្ត្រីទំនាក់ទំនងជាន់ខ្ពស់ នៃនគរបាលជាតិប្រទេសនូវេលហ្សេឡង់, លោក Daniel Kelly មន្រ្តីទំនាក់ទំនង នៃនគរបាលជាតិអៀរឡង់ និងលោកស្រី Jane Ohlsson មន្រ្តីទំនាក់ទំនងនគរបាលជាតិ តំណាងឱ្យតំបន់ន័រឌីក (Nordic) ប្រទេសស៊ុយអែត ន័រវេស ហ្វាំងឡង់ អ៊ីស្លង់ និងដាណែម៉ាក ក្នុងការអញ្ជើញមកបំពេញទស្សនកិច្ចការងារនៅប្រទេសកម្ពុជា ដើម្បីបង្កើននូវទំនាក់ទំនងការងារ កិច្ចសហការផ្លាស់ប្ដូរព័ត៌មាន រវាងស្ថាប័នអនុវត្តច្បាប់ នៃប្រទេសនីមួយៗ សំដៅរួមគ្នាក្នុងការបង្ការទប់ស្កាត់បទល្មើសឆ្លងដែនគ្រប់ប្រភេទ ពិសេសបទល្មើសគ្រឿងញៀន ដើម្បីធានាបាននូវសុខសុវត្ថិភាព របស់ប្រជាពលរដ្ឋ នៃប្រទេសនីមួយៗ ដែលធ្វើដំណើរឆ្លងកាត់ និងការស្នាក់នៅ៕
