រាជធានីភ្នំពេញ ៖ ឯកឧត្តម ឧត្តមសេនីយ៍ឯក សុង លី អគ្គស្នងការរងនគរបាលជាតិ តំណាងដ៏ខ្ពង់ខ្ពស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ អមដំណើរដោយ លោកឧត្តមសេនីយ៍ត្រី ម៉េង ហ៊ុយ ស្នងការរង នៃស្នងការដ្ឋានហិរញ្ញកិច្ច និងភស្តុភារ ព្រមទាំងសហការី នៅថ្ងៃទី១៩ ខែសីហា ឆ្នាំ២០២៤នេះ បានចុះសួរសុខទុក្ខមន្រ្តីនគរបាលប៉ុស្តិ៍ ខេត្តព្រះសីហនុ ២នាក់ ដែលរងរបួសធ្ងន់ធ្ងរនៅពេលចុះសម្របសម្រួលករណីប្រជាពលរដ្ឋឈ្លោះប្រកែកគ្នា។
មន្រ្តីនគរបាលរងគ្រោះទាំង០២រូប ៖
១/-ឈ្មោះ ជីប ចាន់ធីម ភេទប្រុស មានទីលំនៅភូមិ-ឃុំអូរឧកញ៉ាហេង ស្រុកព្រៃនប់ ខេត្តព្រះសីហនុ ជាមន្រ្តីនគរបាលប៉ុស្តិ៍អូរឧកញ៉ាហេង។
២/-ឈ្មោះ កង សុភាព ភេទប្រុស មានទីលំនៅភូមិ-ឃុំអូរឧកញ៉ាហេង ស្រុកព្រៃនប់ ខេត្តព្រះសីហនុ ជានាយរងប៉ុស្តិ៍នគរបាលប៉ុស្តិ៍អូរឧកញ៉ាហេង៕
