កំពង់ស្ពឺ៖ កងកម្លាំងនគរបាលចរាចរណ៍ចុះរឹតបន្ដឹងការអនុវត្តច្បាប់ចរាចរណ៍ នាយប់ថ្ងៃព្រហស្បតិ៍ ១១កើត ខែបុស្ស ឆ្នាំរោង ឆស័ក ព.ស. ២៥៦៨ ត្រូវនឹង ថ្ងៃទី៩ ខែមករា ឆ្នាំ២០២៥
ដេីម្បីរួមចំណែកកាត់បន្ថយគ្រោះថ្នាក់ចរាចរណ៍ កំលាំងនគរបាលការិយាល័យចរាចរណ៍ផ្លូវគោក នៃស្នងការដ្ឋាននគរបាលខេត្ដកំពង់ស្ពឺ បានបន្ដចុះធ្វេីការអប់រំណែនាំដល់អ្នកបេីកបរ រថយន្តដឹកទំនិញគ្រប់ប្រភេទនៅពេលយប់តាមផ្លូវជាតិលេខ៤ រួមជាមួយការអប់រំលេីការប្រេីប្រាស់ភ្លេីងបំពាក់លេីរថយន្ដដែលជាការហាមឃាត់និងការប៉ះពាល់ដល់សណ្ដាប់ធ្នាប់របៀបរៀបរយក្នុងសង្គម។
សូមបងប្អូនប្រជាពលរដ្ឋ រួមជាមួយអ្នកបេីកបររថយន្តម្ចាស់អាជីវកម្មក្រុមហ៊ុនដឹកជញ្ជូនគ្រប់ប្រភេទមេត្តាចូលរួមចំណែកក្នុងជម្រុញលេីការគោរពច្បាប់ពិសេសដល់អ្នកបេីកបររថយន្ដធន់ធ្ងន់សណ្ដោងរឺម៉ក ពិនិត្យលក្ខណៈបច្ចេកទេសយានយន្ត កុំប្រេីប្រាស់សារធាតុញៀន ដោយសហការជាមួយជំនាញផ្ដល់ព័ត៌មាននិងពិនិត្យតេស្ដជាប្រចាំ ៕
