បាត់ដំបង៖ នៅថ្ងៃទី០៨ ខែមករា ឆ្នាំ២០២៥ វេលាម៉ោង១៣:៣០នាទី នៅចំណុចភ្នំស្លឹកស្ថិតក្នុងភូមិបឹងអំពិល ឃុំស្ដៅ ស្រុករតនមណ្ឌល ខេត្តបាត់ដំបង មានករណីភ្លើងព្រៃរាលឆេះចូលក្នុងចំការស្វាយ កើតឡើងចំនួន ០១លើក បណ្តាលឲ្យខូចខាតលើផ្ទៃដីចំនួន ៣៥ហិចតា ខូចខាតដើមស្វាយ អស់ប្រមាណ ១៥០០០ដើម របស់ម្ចាស់ចំការឈ្មោះ ង៉ូវ មួយហៀង ភេទស្រី អាយុ៦០ឆ្នាំ មានទីលំនៅរាជធានីភ្នំពេញ ។
សមត្ថកិច្ចជំនាញ បានឲ្យដឹងថា៖ ក្នុងករណីអគ្គិភ័យនេះ បណ្ដាលមកពីភ្លើងព្រៃរាលឆេះចូលក្នុងចំការស្វាយ ទើបបណ្តាលអោយមានអគ្គិភ័យតែម្តង ។ ករណីនេះដែរកម្លាំងនគរបាលស្រុករតនមណ្ឌល ដឹកនាំដោយលោកវរសេនីយ៍ឯក សន និល អធិការនគរបាលស្រុករតនមណ្ឌល បានចុះពន្លត់អគ្គិភ័យ នេះដោយប្រើប្រាស់រថយន្តពន្លត់អគ្គិភ័យចំនួន ០៥គ្រឿង និងប្រើប្រាស់ទឹកអស់ ០៩រថយន្ត ទើបគ្រប់គ្រងស្ថានការណ៍ អគ្គិភ័យនេះបានទាំងស្រុង៕
