(Reuters) – នៅថ្ងៃចន្ទ នៅក្នុងកិច្ចប្រជុំអង្គការសហប្រជាជាតិ សហរដ្ឋអាមេរិក បានចោទប្រកាន់រុស្ស៊ីថាបានផ្តល់មូលនិធិដល់ភាគីជម្លោះទាំង ០២នៅក្នុងប្រទេសស៊ូដង់ ដែលជាជំហានជាក់ស្តែង០១ចេញពីការអះអាងពីមុនរបស់ក្រុងវ៉ាស៊ីនតោនដែលថា ទីក្រុងមូស្គូកំពុងដើរតួភាគីទាំង០២នៃជម្លោះក្នុងគោលបំណងជំរុញនយោបាយរបស់ខ្លួន។
សង្រ្គាមបានផ្ទុះឡើងក្នុងខែមេសា ឆ្នាំ២០២៣ ចំពេលមានការតស៊ូអំណាចរវាងកងកម្លាំងប្រដាប់អាវុធស៊ូដង់ និងកងកម្លាំងគាំទ្ររហ័សប៉ារ៉ាយោធា (RSF) មុនពេលការផ្លាស់ប្តូរដែលបានគ្រោងទុកទៅជាការគ្រប់គ្រងបែបស៊ីវិល ដែលបង្កឱ្យមានវិបត្តិជនភៀសខ្លួន និងការអត់ឃ្លានដ៏ធំបំផុតរបស់ពិភពលោក។
កាលពីខែវិច្ឆិកា រុស្ស៊ីបានវេតូលើសេចក្តីព្រាងសេចក្តីសម្រេចរបស់ក្រុមប្រឹក្សាសន្តិសុខអង្គការសហប្រជាជាតិ ដែលបានអំពាវនាវឱ្យភាគីជម្លោះបញ្ឈប់ជាបន្ទាន់នូវអរិភាព និងធានាការផ្តល់ជំនួយមនុស្សធម៌។ ហើយសមាជិក ក្រុមប្រឹក្សាចំនួន ១៤រូប ដែលនៅសេសសល់បានបោះឆ្នោតគាំទ្រ។
ឯកអគ្គរដ្ឋទូតអាមេរិកប្រចាំអង្គការសហប្រជាជាតិលោកស្រី Linda Thomas-Greenfield បានប្រាប់ក្រុមប្រឹក្សាកាលពីថ្ងៃច័ន្ទ ដោយមិនផ្តល់ព័ត៌មានលម្អិតបន្ថែមថា “រុស្ស៊ីជ្រើសរើសការរារាំង៖ ឈរតែម្នាក់ឯងនៅពេលដែលខ្លួនបានបោះឆ្នោតមិនឱ្យជនស៊ីវិលជ្រៀតជ្រែក ខណៈពេលដែលផ្តល់មូលនិធិដល់ភាគីជម្លោះទាំង០២។ នោះជាអ្វីដែលខ្ញុំបាននិយាយគឺភាគីជម្លោះទាំង០២”។
