មណ្ឌលគិរី៖ នារសៀល ថ្ងៃចន្ទទី១២ ខែសីហា ឆ្នាំ២០២៤ នាវេលា ម៉ោង២និង ៣០នាទី លោក ឧត្តមសេនីយ៍ត្រី ឡេង សោភ័ណ្ឌ ស្នងការរងទទួលការងារផែនធនធានមនុស្ស បានជួបសំណេះសំណាលសួរសុខទុក្ខនិងបានប្រគល់ថវិកាសមាគមន៍មិត្តនគរបាលជាតិ ជូនដល់ក្រុមគ្រួសារ លោកវរសេនីយ៍ត្រី គឹម ដារ៉ា នាយផ្នែកប្រឆាំងបទល្មើសអាជីវកម្ម សេវាកម្មនិងផលិតកម្ម ដែលលោកបានទទួលមរណ:ភាពកាលពី ថ្ងៃទី៣០ ខែឧសភា ឆ្នាំ២០២៤។
ពិធីនេះបានប្រព្រឹត្តទៅក្រោមអធិបតីភាព លោកឧត្តមសេនីយ៍ត្រី ឡេង សោភ័ណ្ឌ ស្នងការរងទទួលផែនការងារធនធានមនុស្ស តំណាងដ៏ខ្ពង់ខ្ពស់លោក ឧត្តមសេនីយ៍ទោ ឡោ សុខា ស្នងការនគរបាលខេត្តមណ្ឌលគិរី និងមានការអញ្ជើញចូលរួមពី លោកវរសេនីយ៍ឯក ម៉ៅ រិទ្ធី នាយការិយាល័យបុគ្គលិក ព្រមទាំងលោក លោកស្រីនាយ នាយរងការិយាល័យផែនការគណនេយ្យ បានធ្វើការប្រគល់ និងទទួលថវិកាសមាគមន៍មិត្តនគរបាលជាតិ ជូនដល់ក្រុមគ្រួសារមន្រ្តីនគរបាលដែលគាត់បានទទួលមរណ:ភាព ថវិកា ចំនួន ៦,០០០ ,០០០៛ (ប្រាំមួយលានរៀល) ។
ក្រោយពីបានធ្វើការប្រគល់ និងទទួលនូវថវិកាជូនដល់ក្រុមគ្រួសារមន្រ្តីនគរបាល ដែលបានទទួលមរណ: រួចមកលោក ឧត្តមសេនីយ៍ត្រី ឡេង សោភ័ណ្ឌ ស្នងការរងបានមានប្រសាសន៍ណែនាំ និងសម្តែងការសោកស្តាយ ចំពោះការបាត់បង់មន្ត្រីនគរបាល ក៏ដូចជាកងកម្លាំង១រូប និងជាសមាជិក ក្នុងក្រុមគ្រួសារ និងបានមានប្រសាសន៍ ផ្តាំផ្ញើរដល់ក្រុមគ្រួសារសូមកាត់ចិត្តទៅ និងទទួលយកថវិកាទាំងនេះ យកទៅចាត់ចែងទៅតាមតំរូវការ ដោះស្រ័យជីវភាពគ្រួសារបានមួយគ្រាផងដែរ ។
មុននិងបញ្ចប់ ក្រុមគ្រួសាររបស់មន្ត្រីនគរបាល ដែលបានទទួលមរណៈភាពនាពេលនោះដែរ ក៏បានសម្តែងនូវការអរគុណយ៉ាងជ្រាលជ្រៅ ចំពោះក្រុមការងារ និងមិត្តសមាគមន៍នគរបាលជាតិ ដែលបានបង្កើតឡើងដោយបានជួយដោះស្រាយ នូវទុក្ខលំបាកដូចក្នុងពេលនេះ និងសូមអោយ ក្រុមការងារទាំងអស់ជួបតែ ពុទ្ធពរទាំងបួន ប្រការ គឺ អាយុ វណ្ណៈ សុខៈ ពល: កុំបី ឃ្លៀងឃ្លាតឡើយ៕
