មណ្ឌលគិរី ៖ នៅព្រឹកថ្ងៃព្រហស្បតិ៍ ៤រោច ខែមិគសិរ ឆ្នាំរោង ឆស័ក ពុទ្ធសករាជ ២៥៦៨ត្រូវនឹងថ្ងៃទី១៩ ខែធ្នូ ឆ្នាំ២០២៤ នាវេលា ម៉ោង៨ និង០០នាទី នៅសាលប្រជុំស្នងការដ្ឋាននគរបាលខេត្តមណ្ឌលគិរី។ បានបើកកិច្ចប្រជុំត្រួតពិនិត្យការងារប្រចាំ ខែធ្នូ ឆ្នាំ២០២៤ និងលើកទិសដៅអនុវត្តន៍ការងារបន្តនា ខែខាងមុខ ។
កិច្ចប្រជុំនេះបានប្រព្រឹត្តធ្វើឡើង ក្រោមអធិបតីភាពដ៏ខ្ពង់ខ្ពស់លោក ឧត្តមសេនីយ៍ទោ ឡោ សុខា ស្នងការនគរបាលខេត្តមណ្ឌលគិរី និងមានការអញ្ជើញចូលរួមពីលោក លោកស្រីស្នងការរង លោកនាយ នាយរងការិយាល័យជំនាញលោក មេបញ្ជាការ មេបញ្ជាការរង ទទួលសេនាធិការវរសេនាតូចនគរបាលការពារព្រំដែនគោកទាំងពីរ ៣០៣/៦២១ ។ លោក អធិការ អធិការរងទទួលសេនាធិការនគរបាល ក្រុង/ស្រុក ទាំង៥ លោក នាយប៉ុស្តិ៍នគរបាលច្រកទ្វារទ្វេភាគីទាំង៣ លោក នាយប៉ុស្តិ៍នគរបាលរដ្ឋបាល ឃុំ/សង្កាត់ ទាំង២១ ឃុំសង្កាត់ដែលបានចូលរួម ផ្តើមបើកកិច្ចប្រជុំលោក ឧត្តមសេនីយ៍ទោ ស្នងការនគរបាលខេត្ត បានមានប្រសាសន៍បើក កិច្ចប្រជុំនិងបានអនុញ្ញាតឱ្យ លោកវរសេនីយ៍ឯក ម៉ិញ ឈុន នាយការិយាល័យសរុបផែនការឡើងអានរបាយការណ៍សង្ខេបស្តី ពីកិច្ចប្រជុំត្រួតពិនិត្យការងារប្រចាំ ខែធ្នូ និងលើកទិសដៅអនុវត្តបន្តនាខែខាងមុខ។ -ក្នុងកិច្ចប្រជុំនាឱកាសនោះផងដែរលោក ឧត្តមសេនីយ៍ទោ ស្នងការនគរបាលខេត្ត បានអនុញ្ញាតឱ្យលោក វរសេនីយ៍ឯក ម៉ៅ រិទ្ធី នាយការិយាល័យបុគ្គលិកឡើងអាន អនុក្រឹត្យស្ដីពីការសុំច្បាប់និងការអញ្ញាតច្បាប់ឈប់សម្រាករបស់មន្ត្រីនគរបាលជាតិ។
លោកឧត្តមសេនីយ៍ទោ ស្នងការលោកក៏បានអនុញ្ញាតឱ្យលោក ឧត្តមសេនីយ៍ត្រី សៅ សាវ៉ាត ស្នងការរងទទួលការងារផែនសេនាធិការឡើងពន្យល់កែតម្រូវរបាយការណ៍បន្ថែម។ នាពេលនោះលោកស្នងការបានអនុញ្ញាតឱ្យលោក នាយការិយាល័យកិច្ចការប៉ុស្តិ៍ឡើងប្រគល់និងទទួលសៀវភៅអនុវត្តការងារនគរបាលនិងសហគមន៍ដល់លោកនាយប៉ុស្តិ៍រដ្ឋបាលទាំង ២១ មុននិងបញ្ចប់លោក ឧត្តមសេនីយ៍ទោស្នងការសូមជូនពរដល់កម្លាំងទាំងអស់សូមជួបប្រទះ តែពុទ្ធពរទាំងប្រាំប្រការគឺ អាយុ វណ្ណ: សុខៈ ពលៈ កុំបីឃ្លៀងឃ្លាតឡើយ៕
