ខេត្តឧត្តរមានជ័យ ៖ នៅព្រឹកថ្ងៃពុធ ទី១៨ ខែធ្នូ ឆ្នាំ២០២៤ ដោយមានការយកចិត្តទុកដាក់ និងគិតគូរដល់សុខទុក្ខមន្រ្តីថ្នាក់ក្រោម លោកឧត្តមសេនីយ៍ទោ ខូវ លី ស្នងការនគរបាលខេត្ត បានចាត់លោកឧត្ដមសេនីយ៍ត្រី រៀម សរ ស្នងការរងផែនការងារសេនាធិការ ដឹកនាំសហការី ចុះសំណេះសំណាល សួរសុខទុក្ខ លោកវរសេនីយ៍ទោ ប៉ាន់ សុរៀ នាយរងការិយាល័យកិច្ចការប៉ុស្ដិ៍នគរបាលរដ្ឋបាល និងជាសមាជិកក្រុមជំនួយការលោកស្នងការ កំពុងសម្រាកព្យាបាលជំងឺ នៅគេហដ្ឋាន ស្ថិតនៅដូនកែនសែនជ័យ សង្កាត់សំរោង ក្រុងសំរោង ខេត្តឧត្ដរមានជ័យ ។
ក្នុងឱកាសនោះ លោកស្នងការរង បានមានមតិសំណេះសំណាលពាំនាំការផ្ដាំផ្ញើ របស់លោកស្នងការនគរបាលខេត្ត សួរសុខទុក្ខ និងលើកទឹកចិត្ត ព្រមទាំងនាំយកនូវថវិកាមួយចំនួនរបស់លោកស្នងការ ផ្ដល់ជូនដើម្បីជួយសម្រាលបន្ទុកការព្យាបាលរបួសផងដែរ៕
