ខេត្តកំពង់ស្ពឺ ៖ នៅថ្ងៃទី១៦ ខែធ្នូ ឆ្នាំ២០២៤ នៅរដ្ឋបាលខេត្ដកំពង់ស្ពឺ បន្ទប់ប្រជុំវុីសំណាង ក្រុមការងារ អគ្គនាយកដ្ឋានអន្ដោប្រវេសន៍ ក្រសួងមហាផ្ទៃ អញ្ជើញផ្សព្វផ្សាយ លិខិតបង្គាប់ការលេខ៦០៤ លលប និងផែនការអនុវត្តលេខ០០៣ផក របស់ក្រសួងមហារផ្ទៃ ស្តីពីការចុះត្រួតពិនិត្យវត្តមានស្នាក់នៅរបស់ជនបរទេសក្នុងព្រះរាជាណាចក្រកម្ពុជា និងប្រកាសសមាសភាពក្រុមប្រតិបត្តិការត្រួតពិនិត្យជនបរទេស ក្នុងភូមិសាស្រ្តខេត្តកំពង់ស្ពឺ ។
កិច្ចប្រជុំផ្សព្វផ្សាយក្រោមអធិបតីភាព ឯកឧត្តម នាយឧត្ដមសេនីយ៍ ឃុន សំបូរ អគ្គនាយករង នៃអគ្គនាយកដ្ឋានអន្ដោប្រវេសន៍ ក្រសួងមហាផ្ទៃ លោក សុឹម រតនៈ អភិបាលរងខេត្តកំពង់ស្ពឺ តំណាងដ៏ខ្ពង់ខ្ពស់ឯកឧត្ដម បណ្ឌិត ជាម ច័ន្ទសោភ័ណ្ឌ អភិបាលខេត្តកំពង់ស្ពឺ ដោយមានការអញ្ជេីញចូលរួមពីសំណាក់ លោកឧត្តមសេនីយ៍ទោ ឃឹម សុកខៃ ស្នងការនគរបាលខេត្តកំពង់ស្ពឺ ក្រុមការងារមកពី អគ្គនាយកដ្ឋានអន្ដោប្រវេសន៍ ក្រសួងមហាផ្ទៃ លោកឧត្តមសេនីយ៍ វរសេនីយ៍ ជាស្នងការរង នៃស្នងការដ្ឋាននគរបាលខេត្តកំពង់ស្ពឺ លោកអនុប្រធាន សាលាដំបូងខេត្ដកំពង់ស្ពឺ លោកមេបញ្ជាការកងកម្លាំងប្រដាប់អាវុធមានមូលដ្ឋានក្នុងខេត្តកំពង់ស្ពឺ លោកប្រធាន មន្ទីរជំនាញ ពាក់ព័ន្ធជុំវិញខេត្ត លោក លោកស្រី នាយ-នាយរងការិយាល័យ ផែនអន្ដោប្រវេសន៍ ផែនអត្ដសញ្ញាណកម្ម លោកអភិបាលរង ក្រុង ស្រុក លោកអធិការនគរបាលក្រុង ស្រុក លោកអធិការរង នគរបាលផ្នែកអន្ដោប្រវេសន៍ លោកមេឃុំ ចៅសង្កាត់ លោកនាយប៉ុស្ដិ នគរបាលរដ្ឋបាល ចំណុះអធិការដ្ឋាននគរបាលក្រុង ស្រុក ទាំង៩ ព្រមទាំងអស់លោក លោកស្រី មកពីវិស័យឯកជន សហគ្រាស រោងចក្រ មួយចំនួនដែលមានការពាក់ព័ន្ធ៕
