កម្លាំងសមត្ថកិច្ចការិយាល័យប្រឆាំងគ្រឿងញៀន សហការជាមួយកម្លាំងអធិការស្រុកកែវសីមា និងកម្លាំងប៉ុស្តិ៍រដ្នបាលស្រែខ្ទុមធ្វើការបង្រ្កាបជនសង្ស័យចំនួន០៦នាក់ ក្នុងករណីជួញដូររក្សាទុកនិងប្រើប្រាស់ដោយខុសច្បាប់នូវសារធាតុញៀន

មណ្ឌលគិរី ៖ ដោយអនុវត្តតាមបទបញ្ជារបស់លោកឧត្តមសេនីយ៍ទោឡោ សុខា ស្នងការនគរបាលខេត្តមណ្ឌលគិរី ក្នុងការបង្រ្ការនិងបង្រ្កាបបទល្មើសគ្រឿងញៀនក្នុងទូទាំងខេត្ត អោយដូចភ្លៀងរលឹមកាលពីថ្ងៃទី១៥ ខែធ្នូ ឆ្នាំ២០២៤ វេលាម៉ោង០៩ និង១០នាទី នៅត្រង់ចំណុចដីរោងចំការមួយកន្លែងស្ថិតនៅក្នុងភូមិអូរអាម ឃុំស្រែខ្ទុម ស្រុកកែវសីមា ខេត្តមណ្ឌលគិរី។ ដោយមានការសម្របសម្រួលនីតិវិធីពី លោក អ៊ាង សុគន្ធ ព្រះរាជអាជ្ញារងអមសាលាដំបូងខេត្តមណ្ឌលគិរី និងមានការចូលរួមពីលោក ទន់ សំណាង អនុភូមិអូរអាម និងកម្លាំងជំនាញប្រឆាំងគ្រឿងញៀនស្រុកកែវសីមា កម្លាំងប៉ុស្តិ៍នគរបាលស្រែខ្ទុម ចុះស្រាវជ្រាវ និងល្បាតករណីចោរកម្ម(លួចម៉ូទ័របូមទឹក )ក្នុងភូមិសាស្ត្រតំបន់ងាយរងគ្រោះលុស ដល់ចំណុចរោងចំការមួយកន្លែងស្ថិតនៅក្នុងភូមិអូរអាមក៍ បានប្រទះឃើញមុខសញ្ញាជនសង្ស័យនៅក្នុងរោងចំការ សមត្ថកិច្ចក៍បានហៅសួរនាំ និងបានឆែកឆេរទៅលើដងខ្លួនក៍បានឃើញនូវសារធាតុញៀន ហើយក៍បានធ្វើកាដកហូតបាននូវសារធាតុញៀនចំនួន ០១កញ្ចប់តូច នៅក្នុងហោប៉ៅខោខាងស្ដាំ ។ ក្រោយពីបានចម្លើយសារភាពរបស់ជនសង្ស័យខាងលើ កម្លាំងជំនាញប្រឆាំងគ្រឿងញៀនស្រុកកែវសីមា និងកម្លាំងប៉ុស្តិ៍នគរបាលស្រែខ្ទុមក៍សហការជាមួយកម្លាំងជំនាញការិយាល័យប្រឆាំងគ្រឿងញៀនខេត្តមណ្ឌលគិរី ពេលនោះកម្លាំងសមត្ថកិច្ចក៍បានចុះទៅដល់កន្លែងទីតាំងរបស់មុខសញ្ញាជួញដូរនូវសារធាតុញៀន ហើយក៍បានឈានទៅធ្វើការចាប់ឃាត់ខ្លួនមុខសញ្ញាប្រើប្រាស់គ្រឿងញៀន នៅចំណុចរោងចំការស្វាយចន្ទី ស្ថិតនៅក្នុងភូមិច្នៃ ឃុំស្រែខ្ទុំ ស្រុកកែវសីមា ខេត្តមណ្ឌលគិរី បានចំនួន ០៥នាក់ ភេទប្រុស ចំណែកមុខសញ្ញាជួញដូរគ្រឿង

ញៀនឈ្មោះ យ៉េស បានរត់គេចខ្លួនបាត់មុនប្រតិបត្តិការ ។
ក្នុងកិច្ចប្រតិបត្តិការបង្ក្រាបករណីជួញដូររក្សាទុកនិងប្រើប្រាស់នូវសារធាតុញៀនខាងលើនេះកម្លាំងសមត្ថកិច្ចយើងបានធ្វើកាចាប់ឃាត់ខ្លួនជនសង្ស័យចំនួន ០៦នាក់ ដែលមានឈ្មោះដូចខាង
ក្រោម ៖
១/ ឈ្មោះ ម៉ីន ញ៉ ភេទប្រុស អាយុ២៧ឆ្នាំ ជនជាតិខ្មែរឥស្លាម មុខរបរមិនពិតប្រាកដ បានធ្វើតេស្តរកសាធាតុញៀនក្នុងទឹកម៉ូត្រ ជាលទ្ធផលវិជ្ជមាន ( + ) ។
– ស្រុកកំណើត ភូមិចំរើន ខេត្តកំពង់ចាមទីលំនៅបច្ចុប្បន្នភូមិត្រពាំង
ផ្អេ ឃុំស្រែខ្ទុម ស្រុកកែវសីមា ខេត្តមណ្ឌលគិរី ។
២/ ឈ្មោះ ម៉ាន វលី ភេទប្រុស អាយុ៣២ឆ្នាំ ជនជាតិចាម មុខរបរមិនពិតប្រាកដបានធ្វើតេស្តរកសារធាតុញៀនក្នុងទឹកម៉ូត្រ ជាលទ្ធផលវិជ្ជមាន ( + ) ។
– ស្រុកកំណើតភូមិឆ្លូង១ ឃុំកំពាន់ ស្រុកមេមត់ ខេត្តកំពង់ចាម។
– ទីលំនៅបច្ចុប្បន្នភូមិឆ្នែង ឃុំស្រែខ្ទុម ស្រុកកែវសីមា ខេត្តមណ្ឌលគីរី
៣-ឈ្មោះ សែន ហែម ភេទប្រុស អាយុ ៣១ ឆ្នាំ ជនជាតិស្ទៀង។
-ទីកន្លែងកំណើត ភូមិអូរអាម ឃុំស្រែខ្ទុម ស្រុកកែវសីមាខេត្តមណ្ឌល
គិរី ទីលំនៅបច្ចុប្បន្នភូមិអូរអាម ឃុំស្រែខ្ទុម ស្រុកកែវសីមាខេត្តមណ្ឌល
គិរី។
-បានធ្វើតេស្តរកសារធាតុញៀនក្នុងទឹកម៉ូត្រ ជាលទ្ធផលវិជ្ជមាន (+)
៤. ឈ្មោះ សំ រិទ្ធ ភេទប្រុសអាយុ ២៥ ឆ្នាំជនជាតិខ្មែរ ។
-ទីកន្លែងកំណើត ភូមិសំរោង ឃុំក្រែក ស្រុកពញាក្រែក ខេត្តកំពង់ចាម
-ទីលំនៅបច្ចុប្បន្នភូមិឆ្នែង ឃុំស្រែខ្ទុមស្រុកកែវសីមាខេត្តមណ្ឌលគិរី។
-បានធ្វើតេរកសារធាតុញៀនក្នុងទឹកម៉ូត្រជាលទ្ធផលវិជ្ជមាន(+)។
៥ -ឈ្មោះ ឌី មករា ភេទប្រុសអាយុ ២៤ ឆ្នាំជនជាតិខ្មែរ ។
-ទីកន្លែងកំណើត ភូមិចំការគ ឃុំចក ស្រុកអូរាំងឪ ខេត្តកំពង់ចាម ។
-ទីលំនៅបច្ចុប្បន្នភូមិអូរអាម ឃុំស្រែខ្ទុម ស្រុកកែវសីមាខេត្តមណ្ឌល
គិរី។បានធ្វើតេស្តរកសារធាតុញៀនក្នុងទឹកម៉ូត្រជាលទ្ធផលវិជ្ជមាន
(+)។
៦-ឈ្មោះ បូ ឡែន ភេទប្រុសអាយុ ២៨ ឆ្នាំជនជាតិខ្មែរ ។
-ទីកន្លែងកំណើត ភូមិផ្សារស្នួល ឃុំស្នួល ស្រុកស្នួល ខេត្តក្រចេះ ។
-ទីលំនៅបច្ចុប្បន្នភូមិឡាប៉ាខេឃុំស្រែខ្ទុមស្រុកកែវសីមាខេត្តមណ្ឌល
គិរីបានធ្វើតេស្តរកសារធាតុញៀនក្នុងទឹកម៉ូត្រជាលទ្ធផលវិជ្ជមាន(+)។
-មធ្យោបាយនិងសម្ភារៈ និងវត្ថុតាងដែលកម្លាំងសមត្ថកិច្ចចាប់យកបានរួមមានដូចខាងក្រោម៖
១/ សារធាតុសង្ស័យថាជាសារធាតុញៀនមានសណ្ឋានជាក្រាមពណ៌សថ្លា ចំនួន ០១ កញ្ចប់ ។
២/ ឧបករណ៍សម្រាប់ជក់ថ្នាំញៀនមួយចំនួន។
៣/ ទូរស័ព្ទដៃចំនួន ០៣គ្រឿង (ម៉ាក់ oppo ពណ៌ខៀវមួ,យគ្រឿង ,ម៉ាក់ nokia ចុចពិល២គ្រឿង ពណ៌ខ្មៅ ១គ្រឿង ពណ៌ខៀវ ១គ្រឿង)។
៤/ម៉ូតូចំនួន ០៣គ្រឿង (ម៉ូតូគ្មានអាវគ្មានផ្លាកលេខមួយគ្រឿង,ម៉ាក់ WAVE ពណ៌ទឹកប៊ិកគ្មានផ្លាកលេខមួយគ្រឿង,ម៉ូតូកែច្នៃគ្មានផ្លាកលេខមួយគ្រឿង)។
-បច្ចុប្បន្នជនសង្ស័យទាំង០៦នាក់ខាងលើត្រូចបានកម្លាំងជំនាញការិយាល័យប្រឆាំងគ្រឿងញៀនខេត្តនិងកម្លាំងអធិការនគរបាលស្រុកកែវសីមានិងកម្លាំងប៉ុស្តិ៍ស្រែខ្ទុមកំពុងកសាងសំណុំរឿងទៅតុលាការចាត់ការទៅតាមនីតិវិធីច្បាប់៕