ខេត្តតាកែវ៖ នាព្រឹកថ្ងៃសុក្រ ១៣កើត ខែមិគសិរ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី១៣ ខែធ្នូ ឆ្នាំ២០២៤លោកឧត្តមសេនីយ៍ទោ ម៉ែន លី ស្នងការនគរបាលខេត្ត និងជាប្រធានអនុគណៈកម្មការប្រឡងប្រជែងជ្រើសរើស ក្របខ័ណ្ឌមន្រ្តីនគរបាលជាតិបំពេញជួសប្រចាំឆ្នាំ២០២៤ នៃស្នងការដ្ឋាននគរបាលខេត្ត <<អញ្ជើញចូលរួមបើកវិញ្ញាសារសម្ភាសន៍ផ្ទាល់មាត់ទៅលើបេក្ខជន បេក្ខនារីឱ្យចូលបំរើការងារនៅវរសេនាតូចនគរបាលការពារព្រំដែនគោក និងប៉ុស្តិ៍នគរបាលរដ្ឋបាលឃុំ សង្កាត់ នៃស្នងការដ្ឋាននគរបាលខេត្ត>>។
ក្រោមអធិបតីភាពឯកឧត្ដម ឧត្ដមសេនីយ៍ឯក តាន់ សំណាង អគ្គស្នងការរង នគរបាលជាតិ តំណាងដ៏ខ្ពង់ខ្ពស់ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ និងលោកឧត្តមសេនីយ៍ត្រី វង្ស រិទ្ធរង្សី អនុប្រធាននាយកដ្ឋានបុគ្គលិកមន្រ្តីនគរបាលជាតិ តំណាងដ៏ខ្ពង់ខ្ពស់ឯកឧត្ដម នាយឧត្ដមសេនីយ៍ សាស្ដ្រាចារ្យ សេង ផល្លី អគ្គនាយកនៃអគ្គនាយកដ្ឋានធនធានមនុស្ស និងជាអនុប្រធានអចិន្ត្រៃយ៍នៃគណៈកម្មការប្រឡងប្រជែងជ្រើស
រើសក្របខ័ណ្ឌមន្រ្តីនគរបាលជាតិ។ សូមបញ្ជាក់ជូនថា: ចំពោះបេក្ខជនមកចូលរួមប្រឡងសរុបចំនួន ២៣២នាក់ក្នុងនោះបេក្ខនារីចំនួន ៦៩នាក់ កម្មវិធីប្រឡងដំណើរការប្រពឹត្តទៅដោយរលូនផងដែរ៕
