OTTAWA, Dec 1 (Reuters) – មន្ត្រីជាន់ខ្ពស់កាណាដាម្នាក់បាននិយាយកាលពីថ្ងៃអាទិត្យថា នាយករដ្ឋមន្ត្រីកាណាដាលោក Justin Trudeau បានសន្យាជាមួយលោក ដូណាល់ ត្រាំថា ប្រទេសកាណាដានឹងពង្រឹងការគ្រប់គ្រងព្រំដែនរួមដែលគ្មានការការពារ។
លោក Trudeau បានធ្វើដំណើរទៅកាន់រដ្ឋ Florida កាលពីថ្ងៃសុក្រ ដើម្បីទទួលទានអាហារពេលល្ងាចជាមួយលោក ត្រាំ ដែលបានសន្យាថានឹងដំឡើងពន្ធលើទំនិញនាំចូលពីកាណាដា លុះត្រាតែទីក្រុង Ottawa រារាំងជនចំណាកស្រុក និងគ្រឿងញៀនមិនឱ្យឆ្លងកាត់ព្រំដែន។
ប្រទេសកាណាដាបញ្ជូនទំនិញ និងសេវាកម្មចំនួន ៧៥% ទៅកាន់សហរដ្ឋអាមេរិក ហើយពន្ធគយនឹងប៉ះពាល់ដល់សេដ្ឋកិច្ចយ៉ាងធ្ងន់ធ្ងរ។
រដ្ឋមន្ត្រីសុវត្ថិភាពសាធារណៈ Dominic LeBlanc ដែលអង្គុយរួមតុជាមួយលោក Trudeau និងលោកត្រាំ បាននិយាយថា មេដឹកនាំទាំង០២បានពិភាក្សាអំពីវិធានការសន្តិសុខបន្ថែម ដល់កាណាដា។
លោកបានប្រាប់កាសែត Canadian Broadcasting Corp ថា “យើងនឹងស្វែងការទិញយន្តហោះគ្មានមនុស្សបើក ឧទ្ធម្ភាគចក្រនគរបាលបន្ថែម និងដាក់ពង្រាយបុគ្គលិកឡើងវិញ ហើយយើងជឿថាព្រំដែនគឺមានសុវត្ថិភាព”។
លោកបានបន្ថែមថា “ខ្ញុំគិតថា ជារឿងសំខាន់ដើម្បីបង្ហាញប្រជាជនកាណាដា និងអាមេរិក ថាយើងកំពុងឈានជើងឡើងតាមរបៀបដែលអាចមើលឃើញ និងរឹងមាំ ហើយនោះជាអ្វីដែលយើងនឹងធ្វើ” ដោយសន្យានឹងផ្តល់ព័ត៌មានលម្អិតបន្ថែមប៉ុន្មានថ្ងៃ ឬប៉ុន្មានសប្តាហ៍ក្រោយ។
Screenshot
