ខេត្តបាត់ដំបង ៖ នៅថ្ងៃទី២២ ខែវិច្ឆិកា ឆ្នាំ២០២៤ វេលាម៉ោង០៤និង៣០នាទី លើផ្លូវហាយវេ ចំណុចភូមិស្វាយជ្រុំ ឃុំអូរដំបង២ ស្រុកសង្កែ ខេត្តបាត់ដំបង មានករណីគ្រោះថ្នាក់ចរាចរណ៍មួយកើតឡើងរវាងរថយន្តនិងរថយន្ត បណ្តាលឲ្យស្លាប់ម្នាក់ និងរងរបួសធ្ងន់ម្នាក់ ។ លោកវរសេនីយ៍ទោ យុត តុងហូ អធិការនគរបាលស្រុកសង្កែ បានរាយការណ៍ឲ្យដឹងថា ៖ គ្រោះថ្នាក់ចរាចរណ៍នេះ ដោយរថយន្តម៉ាក ហ៊ីយ៉ា់ដាយ ពណ៍ស ឆ្នាំ២០០៤ ប្រភេទដឹកទំនិញធុនធ្ងន់ ពាក់ស្លាកលេខ ភ្នំពេញ 3F-8601 បើកបរដោយឈ្មោះ ខុន រ៉ាន់ ភេទប្រុស អាយុ៤០ឆ្នាំ រស់នៅភូមិតាងួន សង្កាត់កាកាប ខណ្ឌពោធិ៍សែនជ័យ រាជធានីភ្នំពេញ និងរថយន្តម៉ាកហ្វូសូ ពណ៍បៃតង ប្រភេទដឹកទំនិញធុនធ្ងន់ ពាក់ស្លាកលេខចង្កូតស្ដាំ KCH-0211 និងសឺមីរឺម៉ក ពាក់ស្លាកលេខ ភ្នំពេញ4A-1517 ពណ៍ខៀវស បើកបរដោយឈ្មោះ អ៊ុន អូន ភេទប្រុស អាយុ៣៨ឆ្នាំ រស់នៅភូមិផ្ដាំ ឃុំផ្ដាំ ស្រុកស្វាយចេក ខេត្តបន្ទាយមានជ័យ ស្លាប់នៅកន្លែងកើតហេតុ និងរបួសធ្ងន់ ០១នាក់ ។
តាមការពិនិត្យកន្លែងកើតហេតុ កម្លាំងនគរបាលជំនាញ នៃអធិការដ្ឋាននគរបាលស្រុកសង្កែ បានបញ្ជាក់ថា ៖ រថយន្តហ៊ីយយ៉ាន់ដាយ បើកបរពីកើតទៅលិច ក្នុងល្បឿនលឿនជ្រុលទៅ បុកពីក្រោយរថយន្តហ្វុយសូ បើកបរពីកើតទៅលិច ស្របទិសគ្នា ។
បច្ចុប្បន្ន នគរបាលស្រុកសង្កែ កំពុងស្វែងរកជនបង្ក និងវត្ថុតាងបានយកទៅរក្សាទុកនៅការិយាល័យចរាចរណ៍ខេត្ត ដើម្បីដោះស្រាយតាមនីតីវិធី ។ ចំណែកឯសាកសពជនរងគ្រោះ សមត្ថកិច្ចបានធ្វើកំណត់ហេតុ និងប្រគល់ទៅក្រុមគ្រួសារសាច់ញាតិយកទៅធ្វើបុណ្យតាមប្រពៃណី៕
