ឧត្ដរមានជ័យ៖ នៅថ្ងៃអង្គារ ទី០៦ ខែសីហា ឆ្នាំ២០២៤ គណៈកម្មាធិការសមាគម អតីតយុទ្ធជនខេត្តឧត្ដរមានជ័យ បានរៀបចំពិធីអបអរសារទរ ប្រកាសទទួលស្គាល់ ប្រធានកិត្តិយសគណ:កម្មាធិការសមាគម អតីតយុទ្ធជនកម្ពុជាខេត្ត និងពិធីបញ្ចុះបឋមសិលាសាងសង់ ទីស្នាក់ការសមាគមអតីតយុទ្ធជនកម្ពុជា ខេត្តឧត្ដរមានជ័យ ក្រោមអធិបតីភាពដ៍ខ្ពង់ខ្ពស់ ឯកឧត្តម កិត្តិសង្គហបណ្ឌិត គន់ គីម ទេសរដ្ឋមន្ត្រី អនុប្រធាន និងជាអគ្គលេខាធិការសមាគមអតីតយុទ្ធជនកម្ពុជា រៀបចំឡើងនៅចំណុចបឹងព័ន្ធតាឡី ស្ថិតនៅភូមិណ្ដែក សង្កាត់សំរោង ក្រុងសំរោង ខេត្តឧត្ដរមានជ័យ ។
ឯកឧត្ដម មាន ចាន់យ៉ាដា ជាប្រធានកិត្តិយសគណៈកម្មាធិការសមាគម អតីតយុទ្ធជនកម្ពុជា ខេត្តឧត្ដរមានជ័យ ជំនួសឯកឧត្ដម ប៉ែន កុសល្យ ត្រូវបានផ្លាស់ប្ដូរភារកិច្ច
កម្មវិធីនេះដែរមានការអញ្ជើញចូលរួមពី៖ ឯកឧត្តម គណ:ប្រតិភូអមដំណើរ ឯកឧត្តម អភិបាលរង នៃគណៈភិបាលខេត្ត លោកឧត្ដមសេនីយ៍ទោ ខូវ លី ស្នងការនគរបាលខេត្ត និងជាប្រធានគណៈកម្មាធិការសមាគម អតីតយុទ្ធជនខេត្តឧត្ដរមានជ័យ លោកប្រធាន-អនុប្រធានគណៈកម្មាធិការសមាគម អតីតយុទ្ធជនខេត្ត លោកប្រធានកិត្តិយសសមាគមអតីតយុទ្ធជន ស្រុក-ក្រុង លោកប្រធានគណៈកម្មាធិការសមាគមអតីតយុទ្ធជន ស្រុក-ក្រុង ទាំង៥ លោកនាយប៉ុស្តិ៍នគរបាលរដ្ឋបាលទាំង២៤ និងសមាជិកសមាគមអតីតយុទ្ធជនមកពីតាមបណ្ដាក្រុង ស្រុក ទាំង៥ ចំនួន ១០០នាក់ ។
នៅក្នុងឱកាសនោះផងដែរ ឯកឧត្តម កិត្តិសង្គហបណ្ឌិត គន់ គីម ទេសរដ្ឋមន្ត្រី អនុប្រធាន និងជាអគ្គលេខាធិការសមាគមអតីតយុទ្ធជនកម្ពុជា ក៏បាននាំយកអំណោយដ៍ថ្លៃថ្លា របស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងជាប្រធានសមាគមអតីតយុទ្ធជនកម្ពុជា និងសម្ដេចកិត្តិព្រឹទ្ធបណ្ឌិត ប៊ុន រ៉ានី ឧបត្ថម្ភជូនដល់ អ៊ុំ ពូ មីង បងប្អូនអតីតយុទ្ធជនខេត្តឧត្ដរមានជ័យទាំង ១០០នាក់ នូវ អង្ករចំនួន ២០គីឡូក្រាម មីចំនួន០១ កេស ទឹកត្រីចំនួន១យួរ ទឹកស៊ីអុីវ ចំនួន១យួរ និងថវិកា ចំនួន ៥០០០០រៀល ផងដែរ ៕
