ខេត្តមណ្ឌលគិរី ៖ នៅល្ងាចថ្ងៃពុធ ០៦កើត ខែកត្តិក ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី៦ ខែវិច្ឆិកា ឆ្នាំ២០២៤ នៅត្រង់ចំណុចរោងម៉ាស៉ីនកិនរ៉ែមាសមួយកន្លែង ស្ថិតនៅក្នុងភូមិពូទុង ឃុំចុងផ្លាស់ ស្រុកកែវសីមា ខេត្តមណ្ឌលគិរី ដោយមានការចង្អុលបង្ហាញពីលោក ឧត្តមសេនីយ៍ទោ ឡោ សុខា ស្នងការនគរបាលខេត្តមណ្ឌលគិរី និងមានការចូលរួមពីលោកជំទប់ទី០២ ឃុំចុងផ្លាស់ និងមានការសម្របសម្រួលនីតិវិធីពីលោក ស៊ាវ ងីឈន់ ព្រះរាជអជ្ញារង អមសាលាដំបូងខេត្តមណ្ឌលគិរី កាលពីថ្ងៃទី០៥ ខែវិច្ឆិកា ឆ្នាំ២០២៤ វេលាម៉ោង២១ និង១៧នាទី កម្លាំងនគរបាលការិយាល័យប្រឆាំងគ្រឿងញៀន បានសហការជាមួយកម្លាំងអធិការដ្ឋាននគរបាលស្រុកកែវសីមាកម្លាំងប៉ុស្តិ៍នគរបាលរដ្ឋបាលចុងផ្លាស់ បានចុះប្រត្តិបត្តិកាស្រាវជ្រាវ និងធ្វេីកាបង្ក្រាបករណីជួញដូរ រក្សាទុក ចាត់ចែង និងប្រេីប្រាស់ដោយខុសច្បាប់នូវសារធាតុញៀនមួយកន្លែង ស្ថិតនៅត្រង់ចំណុចរោងម៉ាស៉ីនកិនរ៉ែមាសមួយកន្លែង ស្ថិតនៅក្នុងភូមិពូទុង ឃុំចុងផ្លាស់ ស្រុកកែវសីមា ខេត្តមណ្ឌលគិរី។
ក្នុងកិច្ចសហប្រតិបត្តិការនេះ កម្លាំងសមត្ថកិច្ចបានធ្វើការឃាត់ខ្លួនជនសង្ស័យចំនួន ៤នាក់ ៖ ១-ឈ្មោះ មាន ស៊ឺន ភេទប្រុស អាយុ ៤៩ ឆ្នាំ ជនជាតិ ខ្មែរ មុខរបរ មិនពិតប្រាកដ។ ២-ឈ្មោះ និញ ថេអាញ់( NINH THE ANH ) ភេទ ប្រុស អាយុ ៤៤ឆ្នាំ ជនជាតិវៀតណាម សញ្ជាតិ វៀតណាម មុខរបរមិនពិតប្រាកដ។ ៣-ឈ្មោះ ម៉ៅ ថុល ភេទ ប្រុស អាយុ ៤៥ឆ្នាំ ជនជាតិ ខ្មែរ មិខរបរមិនពិតប្រាកដ។ ៤-ឈ្មោះ រីម សុខហេង ហៅ ធា ភេទប្រុស អាយុ ២២ឆ្នាំ ជនជាតិ ខ្មែរ មិខរបរមិនពិតប្រាកដ។ ជនសង្ស័យទាំង០៤នាក់ខាងលើត្រូវបានកម្លាំងជំនាញបានពិនិត្យរកសារធាតុញៀនក្នុងទឹកម៉ូត្រ លេីជនសង្ស័យទាំង០៤នាក់ខាងលេី ជាលទ្ធផលវិជ្ជមាន (+) ។
វត្ថុតាងដកហូតបានរួមមាន ៖
-ក្រាមពណ៌សថ្លាគ្រឿងញៀន ប្រភេទមេតំហ្វេតាមីន ចំនួន ០៣កញ្ចប់ ( ០១កញ្ចប់ធំល្មម និង០២កញ្ចប់តូច)
-ឧបករណ៍សំរាប់ប្រើប្រាស់គ្រឿងញៀនមួយចំនួន
-ទូរស័ព្ទដៃចំនួន ២គ្រឿង (ម៉ាក oppo ពណ៌ផ្ទៃមេឃ ១គ្រឿង ,ម៉ាក vivo ពណ៌ខ្មៅ១គ្រឿង)។
បច្ចុប្បន្នជនសង្ស័យទាំង០៤នាក់ខាងលើ ត្រូវបានកម្លាំងសមត្ថកិច្ចការិយាល័យប្រឆាំងគ្រឿងញៀន និងកម្លាំងអធិការដ្ឋាននគរបាលស្រុកកែវសីមា និងកម្លាំងប៉ុស្តិ៍នគរបាលចុងផ្លាស់ កំពុងកសាសំណុំរឿងបញ្ជូនខ្លួនទៅសាលាដំបូងខេត្តចាត់ការទៅតាមនីតិវិធីច្បាប់៕
