លោកឧត្តមសេនីយ៍ទោ ឃឹម សុកខៃ ស្នងការនគរបាលខេត្តកំពង់ស្ពឺ អញ្ជើញជាអធិបតីភាព ក្នុងពិធីប្រកាសផ្ទេរភារកិច្ច និងតែងតាំងមុខតំណែង អធិការនគរបាលក្រុងច្បារមន

កំពង់ស្ពឺ ៖ នារសៀលថ្ងៃពុធ ១៣រោច ខែអស្សុជ ឆ្នាំរោង ឆស័ក ព.ស. ២៥៦៨ ត្រូវនឹង ថ្ងៃទី៣០ ខែតុលា ឆ្នាំ២០២៤ នៅអធិការដ្ឋាននគរបាលក្រុងច្បារមន មានពិធីប្រកាសផ្ទេរភារកិច្ច និងតែងតាំងមុខតំណែង លោកវរសេនីយ៍ទោ យ័ន្ត សង្ហា ជាអធិការនគរបាលក្រុងច្បារមន នៃស្នងការដ្ឋាននគរបាលខេត្តកំពង់ស្ពឺ ក្រោមអធិបតីភាព លោកឧត្តមសេនីយ៍ទោ ឃឹម សុកខៃ ស្នងការនគរបាលខេត្តកំពង់ស្ពឺ និងមានការអញ្ជើញចូលរួមពី លោក អភិបាលក្រុង ច្បារមន លោកក្រុមប្រឹក្សាស្រុក លោកមេឃុំ លោក លោកស្រីស្នងការរង លោកមេបញ្ជាការសឹករងក្រុងច្បារមន លោកមេបញ្ជាការកងរាជអាវុធក្រុងច្បារមន លោកនាយ នាយរងការិយាល័យ នាយផ្នែក នាយរងផ្នែក លោកអធិការក្រុង/ស្រុកទាំង ៩ និង លោកនាយប៉ុស្តិ៍ ។