មណ្ឌលគិរី ៖ នៅព្រឹក ថ្ងៃចន្ទ ១១ រោច ខែអស្សុជ ឆ្នាំរោង ឆស័ក ព.ស២៥៦៨ ត្រូវនឹងថ្ងៃទី២៨ ខែតុលា ឆ្នាំ២០២៤ នៅវេលាម៉ោង ៨ និង៣០នាទីព្រឹក គណៈប្រតិភូនៃស្នងការដ្ឋាននគរបាលខេត្តមណ្ឌលគិរី ដឹកនាំដោយលោកឧត្តមសេនីយ៍ត្រី អ៊ន ប៊ុន្នីរិទ្ធ ស្នងការរងនគរបាលខេត្ត ជាប្រធានប្រតិភូតំណាងដ៏ខ្ពង់ខ្ពស់ លោកឧត្តមសេនីយ៍ទោ ឡោ សុខា ស្នងការនគរបាលខេត្តមណ្ឌលគិរី ព្រមទាំងលោកឧត្តមសេនីយ៍ត្រី ឆាយ សុខា អនុប្រធាននាយកដ្ឋានទទួលបន្ទុកកិច្ចការព្រំដែន នៃអគ្គស្នងការនគរបាលជាតិ ដឹកនាំប្រតិភូអមដំណើរ សរុបចំនួន ១៨រូប អញ្ជើញទៅចូលរួម កិច្ចប្រជុំបូកសរុបលទ្ធផលកិច្ចសហប្រតិបត្តិការរក្សា សន្តិសុខ សណ្តាប់ធ្នាប់ តាមតំបន់ព្រំដែន ប្រចាំឆ្នាំ២០២៤ និងលើកទិសដៅកិច្ចសហប្រតិបត្តិការ ឆ្នាំ២០២៥ រវាងស្នងការដ្ឋាននគរបាលខេត្តមណ្ឌលគិរី នៃព្រះរាជាណាចក្រកម្ពុជា ជាមួយកងទ័ពការពារព្រំដែនវៀតណាម ដឹកនាំដោយ លោកវរសេនីយ៍ឯក ដាវ វៀតហ៊ូង មេបញ្ជាការកងទ័ពការពារព្រំដែនខេត្តដាក់ឡាក់ ប្រធានប្រតិភូ នៃសាធារណៈរដ្ឋសង្គមនិយមវៀតណាម ។
ក្នុងកិច្ចប្រជុំនាឱកាសនោះផងដែរ ភាគីទាំងពីរក៏បានចុះហត្ថលេខាឯកភាពគ្នាលើកំណត់ហេតុនៃកិច្ចប្រជុំ ព្រមទាំងបានជូនកាដូរ អនុស្សាវរីយ៍រវាងភាគីទាំងពីរក្នុងភាពស្និទិស្នាលជាទីបំផុតរវាងភាគីនៃថ្នាក់ដឹកនាំនៃប្រទេសទាំងពីរ៕
